އިއްޔެ ހުޅުމާލެ ދެވަނަ ފިޔަވަހީގައި ހިނގި ނުރައްކާތެރި އެކްސިޑެންޓާއި ގުޅިގެން ހައްޔަރު ކުރި ތިން މީހުންގެ ތެރެއިން 2 މީހުން ޝަރީއަތް ނިމެންދެން ބަންދުކުރަން ކްރިމިނަލް ކޯޓުން އަމުރުކޮށްފިއެވެ.
އެކްސިޑެންޓުވި ކާރުގައި ތިބި ތިން ފިރިހެނުން، ކޯޓު އަމުރެއްގެ ދަށުން ރޭގައި ވަނީ ހައްޔަރުކޮށްފައެވެ.
މި އެކްސިޑެންޓާއި ގުޅިގެން ހައްޔަރު ކުރީ:
1) އިކުރާމުއްރަހްމާން، ކ. މާލެ/ ހ. ނޫރާންމާގެއާގެ
2) އިބްރާހިމް އިކްރާމް، ކ. މާލެ/ މ.ލޭންޑްއޮފްގާޑަން
3) ޖިނާހު އިސްމާއީލް، ގއ. ކަނޑުހުޅުދޫ/ އާޒާދުގެ
މީގެ ތެރެއިން ހައްޔަރުކޮށް ޝަރީއަތް ނިމެންދެން ބަންދުކުރުމަށް ކޯޓުން އަމުރުކޮށްފައިވަނީ އިކުރާމުއްރަހްމާން އާއި އިބްރާހިމް އިކްރާމް އެވެ.
ދެން މި މައްސަލައިގައި ޝާމިލުވާ ޖިނާހު އިސްމާއީލް ގެ ބަންދަށް ވަނީ 15 ދުވަސް ޖަހާފައެވެ.
އެކްސިޑެންޑް ހިނގާފައިވަނީ ބާރު ސްޕީޑުގައި ދުއްވާފައި ދިޔަ ކާރެއް ކޮންޓްރޯލް ނުވެ ގޮސް މަގުގެ އެއް ފަރާތުގައި މަޑުކޮށްގެން އިން ސައިކަލެއްގައި ޖެހިގެންކަމަށްވާއިރު، މި އެކްސިޑެންޓްގައި ހިމެނޭ ސައިކަލް ގައި އިން ފިރިހެން މީހާއަށް އައިޖީއެމްއެޗްގައި ދަނީ ފަރުވާ ދެމުންނެވެ.
މި އެކްސިޑެންޓްގެ މަންޒަރު ފެންނަ ސީސީޓީވީ ފްޓޭޖެއް ދައުރުވަމުންދާއިރު، އޭގެން ފެންނަ ގޮތުގައި، ސައިކަލެއް ގައި އައި މެދު އުމުރުގެ މީހަކު މަގުގެ އަރިމައްޗެއްގައި މަޑުކޮށްގެންލައިގެން އިންދާ ކޮންޓްރޯލުން ނައްޓާފައި ހުރި ރަތް ކުލައިގެ ކާރެއް އައިސް އެމީހާ ގައިގައި ޖެހުމާއި އެކު އޭނާ ވިއްސައިގެން ދެއެވެ.
Advertisement
This content is created and paid for by advertisers and does not involve Voice Journalists
