ނ އަތޮޅުގައި ދިވެހި ފުލުހުންގެ ހިދުމަތުން ކުރިއަށް ގެންދާ މަސްތުވާތަކެއްޗާއި ގުޅޭ އޮޕަރޭޝަނަކާއި ގުޅިގެން ފުލުހުންގެ ސައިކަލުތަކަށް ގެއްލުންދިން 2 މީހުންގެ ވަނަވަރު ފުލުހުން ހާމަކޮށްފިއެވެ.
މިމަހުގެ 1 ވަނަ ދުވަހު ނ.ހެނބަދޫގައި ފުލުހެއްގެ ސައިކަލަށް ގެއްލުންދީފައިވާއިރު، އެއާއިޖެހުނު ދުވަހުގެ ދަންވަރުގެ ވަގުތެއްގައި އިތުރު ފުލުހެއްގެ ސައިކަލުގައި ރޯކޮށްލާފައިވާއިރު، މި މައްސަލައާއި ގުޅިގެން ފުލުހުން ވަނީ 2 މީހަކު ހައްޔަރު ކޮށްފައެވެ.
މިކަމާއި ގުޅިގެން ފުލުހުން ވަނީ ހެނބަދޫ ޕޮލިސް ޕޯސްޓްގައި މަސައްކަތްކުރާ ފުލުހުންނާއި ފުލުހުންގެ އާއިލާތަކާއި މުދަލަށް ގެއްލުންދޭނެ ކަމަށްބުނެ އިންޒާރުދީ، ފުލުހެއްގެ ސައިކަލަކަށް ގެއްލުންދީ އިތުރު ފުލުހެއްގެ ސައިކަލު ރޯކޮށްލި މައްސަލައިގެ ތަޙްގީގަށް ހައްޔަރު ކުރި މި ދެމީހުން މައުލޫމާތުތައް ހާމަކޮށްފައެވެ.
އެގޮތުން މި މައްސަލައާއި ގުޅިގެން ފުލުހުން ހައްޔަރުކޮށްފައިވަނީ ހުދުތަރި/ ނ.ހެނބަދޫ، މުޙައްމަދު އިރުޝާދު (33 އަހަރު) އަދި ސެލްވިޔޯ/ނ.ހެނބަދޫ، އިލްޔާސް އިބްރާހިމް (33 އަހަރު) އެވެ.
މި ދެމީހުން ފުލުހުން ހައްޔަރުކޮށްފައިވަނީ އާދިއްތަ ދުވަހު ކޯޓު އަމުރެއްގެ ދަށުންނެވެ.
Advertisement
This content is created and paid for by advertisers and does not involve Voice Journalists
