މި މަހުގައި މައްކާގައި ބާއްވަން ހަމަޖެހިފައިވާ ކީރިތި ޤުރުއާން ކިޔެވުމުގެ މުބާރާތުގައި ރާއްޖެއިން ބައިވެރިވާ 2 ދަރިވަރުން ސައޫދީ ޢަރަބިއްޔާއަށް ދިއުމަށް އިއްޔެ ފުރައިފިއެވެ.
2024 އޮގަސްޓް 9 އިން 21 އަށް މައްކާގައި ބާއްވަން ހަމަޖެހިފައިވާ ކިންގް ޢަބްދުލްޢަޒީޒު އިންޓަރނޭޝަނަލް ކޮމްޕެޓިޝަން ފޮރ ދަ މެމޮރައިޒޭޝަން، ރެސައިޓޭޝަން އެންޑް އިންޓަރޕްރިޓޭޝަން އޮފް ދަ ހޮލީ ޤުރްއާން (44 ވަނަ ސެޝަން) ގައި ރާއްޖެއިން ބައިވެރިވާ 2 ދަރިވަރުންނަކީ ޝަޢަފް ޙާމިދު އިބްރާހިމް (މަލާޒް/ޅ.ނައިފަރު) އާއި އަރީކް މުޙައްމަދު ޙާމިދު (ކެކުރިގެ/އައްޑޫ ސިޓީ, ހިތަދޫ) އެވެ.
މައްކާގައި ބާއްވާ މުބާރާތަށް ރާއްޖެއިން ފުރުން: ފޮޓޯ/ ގުރުއާނާ ބެހޭ މަރުކަޒު
ޝަޢަފްއަކީ އަމީނިއްޔާ ސްކޫލުގެ ގްރޭޑް 8 ގައި ތައުލީމު ހާސިލުކުރަމުންދާ ދަރިވަރެކެވެ.
އަދި އަރީކްއަކީ އައްޑޫ ސިޓީގެ ހިތަދޫގައި ހުންނަ ޙިރާ ސްކޫލުގެ ގްރޭޑް 9 ގައި ތައުލީމު ހާސިލުކުރަމުންދާ ދަރިވަރެކެވެ.
Advertisement
This content is created and paid for by advertisers and does not involve Voice Journalists
