އުތުރު ޣައްޒާގައި ދިރިއުޅޭ 500 އާއިލާއަކަށް ކުޑަކުދިންނަށް ބޭނުންވާ ކިރާއި ނެޕީ ޕެކޭޖް އިންޓަނޭޝަލް އެއިޑް ކެމްޕެއިން (އައިއޭސީ) އިން ފޯރުކޮށްދީފިއެވެ.

އައިއޭސީން ބުނީ، މިއިން ކޮންމެ ޕެކޭޖެއްގައިވެސް 2 ކިރުދަޅު އަދި 2 ނެޕީ ބޮޑި ހިމެނިފައިވާނެކަމަށާއި، މިއީ ޣައްޒާގައި ޔަހޫދީން ހިންގަމުންދާ ޤަތުލުއާއްމުގެ ސަބަބުން ބަނަޑަށް ޖެހުމާއި އެކި އެކި އުދަގޫތަށް ތަހައްމަލު ކުރަން ޖެހިފައިވާ ތުއްތު ކުދިންނަށް ކުޑަނަމަވެސް އެހީއަކަށް ވެގެން ދާނެކަމަށެވެ.

ދިވެހީންގެ އެހީގައި ޣައްޒާގެ ކުޑަކުދިންނަށް ފޯރުކޮށްދީފައިވާ ޕެކޭޖްތައް-- ފޮޓޯ: އައިއޭސީ

މީގެ އިތުރުންވެސް ހުއްޓުމެއް ނެތި ޣައްޒާގެ ރައްޔިތުންނަށް އެ ޖަމިއްޔާއިން އެކި ގޮތްގޮތުން އެހީ ފޯރުކޮށްދެވެމުންދާކަން ފާހަގަކުރަމުން އައިއޭސީން ވަނީ ޣައްޒާ އެމަރޖެންސީ ފަންޑަށް އެހީވުމުގެ ފުރުސަތު އަދިވެސް ހުޅުވާލެވިފައިވާކަން ހާމަކޮށްފައެވެ.

ޣައްޒާ އެމަރޖެންސީ ފަންޑަށް އެހީވުމަށް:

ބީއެމްއެލް އިސްލާމިކް

އެކައުންޓް ނަމްބަރު: 7770000062741

އެކައުންޓް ނަން: International Aid Campaign

އެކައުންޓް ލޭބަލް: IAC | EMERGENCY

މި ޕްރޮޖެކްޓް އަގުތައް ހެދިފައިވާނީ ޕްރޮޖެކްޓް ހިންގުމާއި ބެލެހެއްޓުމާއި، ދެމެހެއްޓުމާއި، އިދާރީ ހިންގުމާއި ތަރައްގީއަށް ދާނެ ކަމަށް ލަފާކުރެވޭ ޚަރަދުތައް ހިމެނޭގޮތަށް އެވަރެޖް 12.5 ޕަސެންޓު ހިމެނޭގޮތަށް ކަމަށް އައިއޭސީން ބުނެއެވެ.