ރާއްޖޭގެ 28 ރަށެއްގައި ފެނާއި ނަރުދަމާގެ މަސައްކަތް ގާއިމްކުރުމުގެ މަސައްކަތް ނިންމައި އިންޑިއާއިން ދިވެހި ސަރުކާރާއި އެ މަޝްރޫއުތައް ރަސްމީކޮށް ހަވާލުކޮށްފިއެވެ.

މިކަމަށްޓަކައި މިއަދު ރައީސުލްޖުމްހޫރިއްޔާގެ އޮފީހުގައި ބޭއްވި ރަސްމިއްޔާތެއްގައި އިންޑިއާގެ ފަރާތުން އެ މަޝްރޫއުތައް ހަވާލުކޮށްދެއްވީ އެގައުމުގެ އެކްސްޓާނަލް އެފެއާސް މިނިސްޓަރު ސުބްރަމަނިއަމް ޖައިޝަންކަރުއެވެ. މި މިޝްރޫއުތަކާއި ދިވެހި ސަރުކާރުގެ ފަރާތުން ހަވާލުވެވަޑައިގަތީ ޚާރިިޖީ ވަޒީރު މޫސާ ޒަމީރުއެވެ.

އިންޑިއާގެ އެކްސިމް ބޭންކުން ދޫކޮށްފައިވާ ކްރެޑިޓް ފެސިލިޓީގެ ދަށުން ރާއްޖޭގެ 34 ރަށެއްގެ ފެނާއި ނަރުދަމާގެ މަޝްރޫއުގެ ތެރެއިން 28 ރަށެއްގެ މަޝްރޫއުތައް ނިންމިއިރު، އޭގެ ތެރޭގައު، 21 ރަށެއްގެ ފެނުގެ ނިޒާމާއި 2 ރަށެއްގެ ނަރުދަމާގެ ނިޒާމާއި 5 ރަށެއްގެ ފެނާއި ނަރުދަމާ މަޝްރޫއު ހިމެނެއެވެ.

ދިވެހި ސަރުކާރާއި މިއަދު ހަވާލުކުރެވުނު މަޝްރޫއުތައް:

1) ހއ. ކެލާ ފެނުގެ ނިޒާމު ގާއިމްކުރުން

2) ށ. ފުނަދޫ ފެނުގެ ނިޒާމު ގާއިމްކުރުން

3) ނ. މަނަދޫ ފެނުގެ ނިޒާމު ގާއިމްކުރުން

4) އއ. ތޮއްޑޫ ނަރުދަމާގެ ނިޒާމު ގާއިމްކުރުން

5) އދ. ދަނގެތި ނަރުދަމާގެ ނިޒާމު ގާއިމްކުރުން

6) ކ. ކާށިދޫ ފެނުގެ ނިޒާމު ގާއިމްކުރުން

7) ޅ. ކުރެންދޫ ފެނުގެ ނިޒާމު ގާއިމްކުރުން

8) ވ. ފެލިދޫ ފެނުގެ ނިޒާމު ގާއިމްކުރުން

9) ވ. ފުލިދޫ ފެނުގެ ނިޒާމު ގާއިމްކުރުން

10) ވ. ތިނަދޫ ފެނާއި ނަރުދަމާގެ ނިޒާމު ގާއިމްކުރުން

11) ދ. ބަނޑިދޫ ފެނާއި ނަރުދަމާގެ ނިޒާމު ގާއިމްކުރުން

12) ދ. މީދޫ ފެނުގެ ނިޒާމު ގާއިމްކުރުން

13) ފ. ދަރަނބޫދޫ ފެނާއި ނަރުދަމާގެ ނިޒާމު ގާއިމްކުރުން

14) ފ. ބިލެއްދޫ ފެނުގެ ނިޒާމު ގާއިމްކުރުން

15) ލ. މާބައިދޫ ފެނުގެ ނިޒާމު ގާއިމްކުރުން

16) ލ. އިސްދޫ - ކަލައިދޫ ފެނުގެ ނިޒާމު ގާއިމްކުރުން

17) ލ. މާމެންދޫ ފެނުގެ ނިޒާމު ގާއިމްކުރުން

18) ލ. ގަން ފެނުގެ ނިޒާމު ގާއިމްކުރުން

19) މ. ކޮޅުފުށި ފެނުގެ ނިޒާމު ގާއިމްކުރުން

20) މ. މުލި ފެނުގެ ނިޒާމު ގާއިމްކުރުން

21) މ. މަޑުއްވަރި ފެނާއި ނަރުދަމާގެ ނިޒާމު ގާއިމްކުރުން

22) ތ. ހިރިލަންދޫ ފެނުގެ ނިޒާމު ގާއިމްކުރުން

23) ގއ. މާމެންދޫ ފެނުގެ ނިޒާމު ގާއިމްކުރުން

24) ގއ. ދާންދޫ ފެނުގެ ނިޒާމު ގާއިމްކުރުން

25) ގއ. ގެމަނަފުށި ފެނުގެ ނިޒާމު ގާއިމްކުރުން

26) ގދ ފަރެސްމާތޮޑާ ފެނުގެ ނިޒާމު ގާއިމްކުރުން

27) ގދ. ހޯޑެއްދޫ ފެނުގެ ނިޒާމު ގާއިމްކުރުން

28) ގދ. މަޑަވެލި ފެނުގެ ނިޒާމު ގާއިމްކުރުން

މި މަޝްރޫއުތައް ހަވާލުކުރުމުގެ ރަސްމިއްޔާތުގައި ރައީސުލްޖުމްހޫރިއްޔާ ޑރ.މުޙައްމަދު މުޢިއްޒުގެ އިތުރުން، ބައެއް ވަޒީރުންނާއި ސަރުކާރުގެ އިސް ބޭފުޅުން ބައިވެރިވެވަޑައިގެންނެވިއެވެ.