ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު، އިންޑިއާގެ އެކްސްޓާނަލް އެފެއާސް މިނިސްޓަރު ސުބްރަމަނިއަމް ޖައިޝަންކަރު އާއި ބައްދަލުކުރައްވައިފިއެވެ.

މި ބައްދަލުވުމުގެ ތަފްސީލު ރައީސް އޮފީހުން އަދި ހާމަކޮށްފައިނުވިނަމަވެސް، ޖައިޝަންކަރު އެކްސްގައި ކުރެއްވި ޕޯސްޓެއްގައި ވިދާޅުވީ، މި ބައްދަލުވުމުގައި އިންޑިއާގެ ބޮޑުވަޒީރު، ނަރެންދްރަ މޯދީގެ ހެޔޮ އެދުންތައް ރައީސް ޑރ.މުޢިއްޒު އަށް އަރިސްކުރެއްވި ކަމަށެވެ.

ޖައިޝަންކަރު އިތުރަށް ވިދާޅުވީ، މި ބައްދަލުވުމުގައި އިންޑިއާ އާއި ރާއްޖޭގެ ގުޅުން އިތުރަށް ބަދަހިކޮށް، އެކަމުގެ ފައިދާ ދެގައުމުގެ ރައްޔިތުންނަށާއި،ސަރަހައްދަށް ކުރުމާއިމެދު ވެސް ޔަގީންކަން ދެއްވާފައިވާކަމަށެވެ.

Advertisement

ރާއްޖެ އަށް ޖައިޝަންކަރު ކުރައްވަމުންގެންދަވާ 3 ދުވަހުގެ މި ދަތުރުފުޅުގައި ތިލަމާލެ ބްރިޖްގެ މަސައްކަތްތައްތައް ކުރިޔަށްދާ ގޮތް ބައްލަވައިލެއްވުމަށް ވަނީ ހަމަޖެހިފައެވެ.

މި ދަތުރުފުޅު ނިންމަވާލެއްވުމަށްފަހު ޖަޔަޝަންކަރު އެނބުރި އިންޑިއާއަށް ވަޑައިގަތުމަށް ހަމަޖެހިފައިވަނީ މިމަހުގެ 11 ވަނަދުވަހުއެވެ.