Advertisement
ހުޅުމާލޭގައި އަޅަން ނިންމާފައި މިއޮތީ މައިގަނޑު ދެ ހޮސްޕިޓަލެއް: ރައީސް ޑރ.މުޢިއްޒު
ހުޅުމާލޭގައި އަޅަން ނިންމާފައި އޮތީ ދެ ހޮސްޕިޓަލެއް ކަމުގައި ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ވިދާޅުވެއްޖެ އެވެ.
ރައީސް ޑރ.މުޢިއްޒު މިފަދައިން ވިދާޅުވީ މާލެ ސިޓީ ކައުންސިލާއި މިއަދު ބައްދަލުކުރައްވާ ވާހަކަފުޅު ދައްކަވަމުންނެވެ.
މިގޮތުން ރައީސް ޑރ.މުޢިއްޒު ވިދާޅުވީ، ހުޅުމާލޭގައި މައިގަނޑު ގޮތެއްގައި ސްޕެޝަލިސްޓް ދެ ހޮސްޕިޓަލެއް ބިނާކުރަން މި ސަރުކާރުން ނިންމާފައިވާ ކަމަށެވެ. އެމަނިކުފާނު ވިދާޅުވީ އެއީ ތެލަސީމިއާގެ ފަރުވާ ހޯދޭނެ ހޮސްޕިޓަލަކާއި އަންހެނުންނާއި ކުޑަކުދިންނަށް ހާއްސަ ހޮސްޕިޓަލެއް ކަމަށެވެ.
Advertisement
"ހުޅުމާލޭގައި އަޅަން ނިންމާފައި މިއޮތީ މައިގަނޑު ދެ ހޮސްޕިޓަލެއް. ސްޕެޝަލައިޒްޑް، އެއް ތަނަކީ ތެލަސީމިއާ ހޮސްޕިޓަލް އަނެއް ހޮސްޕިޓަލަކީ ވިމެން އެންޑް ޗިލްޑްރެން ހޮސްޕިޓަލް."
ރައީސް ޑރ.މުޢިއްޒު ވިދާޅުވިއެވެ.
މި ދެކަންތަކަކީ ވަރަށް ގިނަ މީހުން މާލެ އަންނަ ސަބަބެއް ކަން ރައީސް ޑރ.މުޢިއްޒުގެ ވާހަކަފުޅުގައި ފާހަގަކުރެއްވިއެވެ.
މި ދެ ހޮސްޕިޓަލްގެ އިތުރުން، 5 ދަނޑާއި ޗޭންޖިން ރޫމްތައް ހިމެނޭހެން ގާއިމުކުރާ މަލްޓިލޭޔަރ ފުޓްސެލް ކޮމްޕްލެކްސް އަކާއި، ނެޓްބޯޅަ ދަނޑެއް އެޅުމަށްޓަކައި ބިން ވެސް ހަމަޖެހިފައިވާކަމަށް ރައީސް ޑރ.މުޢިއްޒު ވިދާޅުވިއެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
Advertisement
