އެމެރިކާގެ ބާރުގަދަ ނިއުކްލިއާ ސަބްމެރިން ކަމުގައިވާ ޔޫއެސްއެސް ޖޯޖިއާ މެދުއިރުމައްޗަށް ފޮނުވަން އެމެރިކާގެ ދިފާއީ ވަޒީރު ލޮއިޑް އޮސްޓިން އަމުރުކޮށްފައިވާކަމަށް މީޑިއާ ރިޕޯޓުތަކުން ބުނެފިއެވެ.
އެމެރިކާގެ އަސްކަރީ އިސްވެރިޔާ ލޮއިޑް އޮސްޓްރިން މިގޮތަށް ނިންމާފައި ވަނީ ޣައްޒާ މިނިވަން ކުރުމަށް ޖިހާދުކުރަމުންދާ ހަމާސް ޖަމާޢަތުގެ ސިޔާސީ ގޮފީގެ ލީޑަރު އިސްމާއިލް ހަނިއްޔާ ޝަހީދުކޮލުމާއި, ލުބުނާނުގެ ހިޒްބުاللهގެ އިސް އަސްކަރީ ކޮމާންޑަރު ފުއާދު ޝުކުރު ޝަހީދުކޮށްލުމުގެ، ބަދަލު ހިފުމަށް އީރާނުން އިޒްރާއީލަށް ހަމަލާދޭން އިންޒާރު ދީ ކޮންމެ ވަގުތެއްގައިވެސް އިޒްރާއީލަށް ހަމަލާ އަމާޒުވެދާނެކަމުގެ ބިރު ހީވެފައިވާ ދަނޑިވަޅެއްގައެވެ.
ނިއުކްލިއާ ސަބްމެރިންއެއް ކަމަށްވާ ޔޫއެސްއެސް ޖޯޖިއާ މިހާރުވެސް އޮތީ މެޑިޓެރޭނިއަން ކަނޑުގައެވެ. އަދި މީގެ އިތުރުން މެދުއިރުމައްޗަށް އިތުރު ފައިޓާ ޖެޓްތަކާއި ކަނޑުގެ ސިފައިންގެ ހަނގުރާމަ މަނަވަރުތައް ފޮނުވާނެ ކަމަށް އެމެރިކާގެ އަސްކަރިއްޔާއިންވަނީ ބުނެފައެވެ.
އީރާންނުން އިޒުރޭލަށް ހަމަލާދީފާނެ ކަމަށް އެމެރިކާއަށްވެސް ވަރަށް ބޮޑަށް ލަފާކުރެވެއެވެ. ނަމަވެސް އިޒުރޭލަށް ހަމަލާދީނުމަކީ އިރާނުން ކުރާ ވަރަށް ބޮޑު ގޯހެއް ކަމަށް އެމެރިކާއިން ވަނީ ބުނެފައެވެ.
Advertisement
This content is created and paid for by advertisers and does not involve Voice Journalists
