އިންޑިއާ ރައީސާ ޑްރޫޕަދީ މުރުމޫއަށް، ޓިމޯރލެސްޓޭއިން އަރުވާ އެންމެ މަތީ މަދަނީ ޝަރަފުކަމަށްވާ ކަމަށްވާ އޯޑަރ އޮފް ޓިމޯރ ލެސްޓޭ ގްރޭންޑް ކޮލާރ އެވޯޑް ހޮނިހިރު ދުވަހު އަރުވައިފިއެވެ.

އިންޑިއާގެ ރިޔާސީ ގެކޮޅު ރަޝްތްރަޕަތީ ބަވަން އިން ބުނީ އެކަމަނާއަށް މި ޝަރަފު އެރުވީ އެކަމަނާގެ އިޖްތިމާޢީ ހިދުމަތާއި ތައުލީމާއި އިޖުތިމާއީ ރައްކާތެރިކަމާއި އަންހެނުން ބާރުވެރިކުރުވުމަށް ކުރައްވާ މަސައްކަތްޕުޅާއި، ހޯއްދެވި ކާމިޔާބީތަކުގެ އަގުވަޒަންކުރުމަށް ކަމަށެވެ.

މި ޝަރަފު ލިބިވަޑައިގަތުމާ ގުޅިގެން ރައީސާ މުރުމޫ ވިދާޅުވީ މި ޝަރަފަކީ އިންޑިއާ އާއި ޓިމޯރ ލެސްޓޭއާ ދެމެދު އޮންނަ އެކުވެރިކަމުގެ ގުޅުމުގެ ރަމްޒެއް ކަމަށެވެ.

އިންޑިއާގެ ރައީސްގެ ދަތުރުފުޅުގެ މުހިއްމުކަން އެގައުމުން ބަލައިގަންކަމުގެ ރަމްޒެއްގެ ގޮތުން އެކަމަނާއަށް އެއާޕޯޓުން މަރުޙަބާ ވިދާޅޫވީ ސީދާ ރައީސް ހޯސޭ ރާމޯސް-ހޯޓާ އެވެ.

މުރުމޫ ޓިމޯރ ލެސްޓޭއަށް ވަޑައިގެންނެވީ، ފިޖީ އާއި ނިއުޒީލެންޑަށް ކުރެއްވި ދަތުރުފުޅު ނިންމަވާލެއްވުމަށް ފަހުއެވެ. ފިޖީގައި އޭނާއަށް ވަނީ ފިޖީގެ އެންމެ މަތީ މަދަނީ އެވޯޑް 'ކޮމްޕެނިއަން އޮފް ދަ އޯޑަރ އޮފް ފިޖީ' އަރުވާފައެވެ.

ރައީސް މުރުމު ވިދާޅުވީ އެއީ ދެގައުމުގެ ދެމެދުގައި އޮތް އެކުވެރިކަމުގެ ގުޅުން ދައްކުވައިދޭ ޝަރަފެއް ކަމަށެވެ.