ލ.ގަމުގައި ގެއެއްގައި ބަނގުރާ ކެއްކި ދެމީހުން ފުލުހުން ހައްޔަރުކޮށްފިއެވެ.

ފުލުހުން ބުނީ، އެރަށު ތުނޑި، ވިލެޖް ގޭގައި މަސްތުވާތަކެތި ގެންގުޅެ ވިޔަފާރިކުރުމާއި ބޮގަރު ކައްކާ، އޭގެ ވިޔަފާރިކުރާކަމަށް ފުލުހުންގެ އިންޓެލިޖެންސަށް ލިބުނު މައުލޫމާތަކާއި ގުޅިގެން ކޯޓު އަމުރެއްގެ ދަށުން އެގޭ ބަލާ ފާސްކޮށްފައިވާކަމަށެވެ.

އެ ގެ ބަލާ ފާސްކުރުމުގެ ތެރެއިން، އެގޭގެ ތެރެއިން  24.4 ގްރާމްގެ ހެރޮއިންކަމަށް ޝައްކުކުރެވޭ މަސްތުވާއެއްޗެއް ފެނިފައިވާކަމަށާއި، ބޮގަރުކަމަށް ޝައްކުކުރެވޭ ދެ ރުނބާ އަދި ފަސް ލީޓަރުގެ ފުޅިއަކާއި، ބޮގަރު ކައްކަން ބޭނުންކުރާ ސާމާނު ފެނިފައިވާކަމަށެވެ.

Advertisement

މި މައްސަލައާއި ގުޅިގެން 42 އަދި 57 އަހަރުގެ ދިވެހި ދެ ފިރިހެނުން ހައްޔަރުކޮށްފައިވާކަމަށާއި، މައްސަލަ ތަހުގީގުކުރަމުން އަންނަކަމަށް ފުލުހުން ބުނެއެވެ.