ފުލުހުންގެ ތަރުޖަމާނު، އެސިސްޓެންޓް ކޮމިޝަނަރ އޮފް ޕޮލިސް އަޙުމަދު ޝިފާންގެ ނަމުގައި ފޭކު ވައިބާ ނަންބަރެއް ބޭނުން ކުރަމުންދާތީ ސަމާލުވާން އެދިއްޖެއެވެ.
ޝިފާންގެ އެކްސް ގައި ކުރެއްވި ޕޯސްޓެއްގައި ވަނީ އެ ފޭކު ނަންބަރު ހިއްސާކޮށް އެކަމަށް ސަމާލު ވުމަށް އެދިވަޑައުގެންފައެވެ.
އެގޮތުން ޝިފާންގެ ނަމުގައި މެސެޖު ކުރަމުންދަނީ 7854084 ނަންބަރުންނެވެ. އަދި މި ނަންބަރުގެ ޔޫސާ ނޭމް އަކަށް އޮތީ "އެސިސްޓެންޓް ކޮމިޝަނަރ އޮފް ޕޮލިސް އަހުމަދު ޝިފާން" ކަމުގައި ވާއިރު ފޮޓޯ އަކަށް ބޭނުންކޮށްފައި އޮތީ ޝިފާންގެ ފޮޓޯއެކެވެ.
"ސަމާލު! މިއީ އަޅުގަނޑެއް ނޫން" މިހެން ލިޔުއްވަމުން ޝިފާން އިތުރަށް ވިދާޅުވީ، “އެއްވެސް މުޢާމަލާތެއް ހިންގެވުމުގެ ކުރިން ނަންބަރު ޔަޤީންކުރެއްވުމަށް އެދޭ” ކަމަށެވެ.
މި ފަދަ ފޭކު އެކައުންޓްތަކުން ރައްޔިތުންނަށް އޮޅުވާލައި، އެކި ބާވަތުގެ ފްރޯޑް ހިންގުމަކީ އާންމު ކަމަކަށް ވެފައިވާ ހިނދު، މިފަދަ ކަންކަމާ މެދު ސަމާލުވުމަށް ފުލުހުން އަބަދުވެސް އިލްތިމާސް ކުރެއެވެ. އަދި ޝައްކު ކުރެވޭ ފަދަ ކަމެއް ފާހަގަ ކުރެވިއްޖެ ނަމަ، ވަގުތުން ފުލުހުންނަށް އެންގުމަށްވެސް އިރުޝާދު ދެއެވެ.
Advertisement
This content is created and paid for by advertisers and does not involve Voice Journalists
