އޮސްޓްރޭލިއާގެ މެލްބަން ގައި ކުރިއަށް ދިޔަ އަންކުލައުޑް ވިކްޓޯރިއަން އޯޕަން ޝޯރޓްކޯސް ޗެމްޕިއަންޝިޕްސް 2024 ގައި ފިރިހެނުންގެ ޝޯރޓްކޯސް 100 މީޓަރ އިންޑިވިޖުއަލް މެޑްލޭ އިވެންޓުގެ ޤައުމީ ރެކޯރޑް މުބާލް އަޢްޒާމް އިބްރާޙީމް އާކޮށްފިއެވެ.

އޮސްޓްރޭލިއާގައި ކުރިއަށްދިޔަ މިމުބާރާތުގައި މުބާލް ޝޯރޓްކޯސް ސަތޭކަ މީޓަރ އިންޑިވިޖުއަލް މެޑްލޭ އިވެންޓުގެ ޤައުމީ ރެކޯރޑް އައުކޮށްފައިވަނީ 01:04.51 އިން ރޭސް ނިންމައިގެންނެވެ.

މި އިވެންޓުގެ ޤައުމީ ރެކޯރޑް ކުރިން އޮތީ ޢަލީީ އިމްޢާން އަތުގައެވެ. އިމްޢާން ޝޯރޓްކޯސް 100 މީޓަރ އިންޑިވިޖުއަލް މެޑްލޭ އިވެންޓުގެ ޤައުމީ ރެކޯރޑް ހަދާފައި ވަނީ 2021 ވަނަ އަހަރު ބޭއްވުނު ފީނާ ސްވިމިންގ ވޯލްޑްކަޕްގެ 4 ވަނަ ލެގްގައި 01:04.93 އިން ރޭސް ފުރިހަމަކޮށްގެންނެވެ.

Advertisement