ކ.ތިލަފުށީގެ ފަޅުތެރެ ސްލޯޕިން މަސައްކަތަށް އެ ސަރަހައްދުން އުޅަނދުތައް ނެގުމަށް އެޗްޑީސީ އިން 7 ދުވަހުގެ މުއްދަތެއް ދީފިއެވެ.
އެޗްޑީސީން ތިލަފުށި ތަރައްޤީކުރުމުގެ މަޝްރޫޢުގެ ދަށުން، އަލަށް ހިއްކި ބިމުގެ ސްލޯޕިންގ މަސައްކަތް ފެށުމާ ގުޅިގެން، އެ ސަރަހައްދުގައި އަޅާފައި ހުރި އުޅަނދުފަހަރު ނެގުމަށް އަންގައިފައި ވަނީ މިއަދުއެވެ.
އެ ކުންފުނިން ނެރުނު ނޫސްބަޔާނުގައި ބުނެފައިވާ ގޮތުން، ކަނޑައެޅިފައިވާ މުއްދަތުގެ ތެރޭގައި އުޅަނދުފަހަރު ނުނަގައިފިނަމަ، "ތިލަފުއްޓާއި ގުޅީފަޅުގެ ފަޅުތެރެއަށް ދޫކޮށްފައިވާ އުޅަނދުފަހަރާއި ތަކެއްޗާމެދު އަމަލު ކުރުމުގެ އުސޫލު" ގެ ދަށުން ފިޔަވަޅު އަޅާނެއެވެ.
އިތުރު މަޢުލޫމާތު ހޯދުމަށް އެޗްޑީސީގެ ހޮޓްލައިން 1516 އަށް ގުޅުމަށް އަންގާފައިވެއެވެ. މި މަޝްރޫޢަކީ ވިޔަފާރިވެރިންނަށް އިތުރު ފުރުޞަތުތަކެއް ހޯދައިދިނުމަށް ކުރިއަށްގެންދާ މަސައްކަތެއް ކަމަށް ބުނެ، މިކަމުގައި އާންމުންގެ އެއްބާރުލުން ދިނުމަށް އެޗްޑީސީން އެދިފައިވެއެވެ.
Advertisement
This content is created and paid for by advertisers and does not involve Voice Journalists
