ވަޅިއަކުން މިރޭ އަންހެނަކަށް ބިރުދައްކައި ރަހީނުކުރި މީހަކު ފުލުހުން ހައްޔަރުކޮށްފިއެވެ.

މައުލޫމާތު ލިބިފައިވާ ގޮތުގައި މި ހާދިސާ ހިނގާފައިވަނީ މާފަންނު ގެއެއްގައެވެ. މިކަމެއް ހިނގީ މިރޭ އިރާކޮޅުގެ ވަގުތެއްގައެވެ.

ވީޑިއޯތަކުން ފެންނަގޮތުގައި އަންހެންމީހާ ކަރުގައި ފިރިހެނަކު ވަޅިޖައްސައިގެން ހުރިއިރު، އަންހެންމީހާ ސަލާމަތްކުރުމަށް ފުލުހުން އެކި ގޮތްގޮތުން އެ ފިރިހެންމީހާ އާ ވާހަކަދައްކާކަން އެނގެއެވެ. އޭއެމްޑީސީ ސަރަހައްދުގައި ހިނގާދިޔަ މި ހާދިސާގައި ފުލުހުން އެމީހާ ހައްޔަރުކޮށްފައިވަނީ، އަންހެންމީހާ ރަހީނުކޮށް ހިފަހައްޓައިގެން އުޅޭތާ ވަގުތު ތަކަކަށް ފަހުއެވެ.

Advertisement

މި ހާދިސާގެ ވީޑިއޯ ސޯޝަލް މީޑިއާގައި މިހާރު ދައުރުވަމުންދާއިރު، މިއީ ކިހިނެތްވެގެން ހިނގައިގެން އުޅޭ ކަމެއްކަން އަދި ސާފެއް ނުވެއެވެ. އެގޮތުން މި އަންހެން މީހާ އާއި ފިރިހެން މީހާ އާ ދެމެދު އޮންނަނީ ކިހާވަރެއްގެ ގުޅުމެއް ކަމެއްވެސް އަދި ސާފެއް ނުވެއެވެ. 

ފުލުހުން ބުނީ މިކަން ހިނގި ސަބަބު ބަލަމުން އަންނަ ކަމަށާއި، މިކަމާ ގުޅޭގޮތުން ފަހުން ވާހަކަދައްކާނޭ ކަމަށެވެ.

ރާއްޖޭގެ މި މުޖުތަމައުގައި ލޭގެ ގުޅުން އޮންނަ މީހުންގެ މެދުގައިވެސް ޖެހޭ އެކި ކަހަލަ މައްސަލަތަކުގައި މިހާލަތަށް ގޮސް އެއްބަޔަކު އަނެއްބަޔަކާ ދެމެދު މާރާމާރީ ހިންގާ ލޭ އޮހޮރުވާލާފައި އެބަހުއްޓެވެ. މީގެ މައްސަލަތައް ގިނައިން ޖެހެނީ މަސްތުވާތަކެތީގެ މައްސަލަތަކުގައެވެ.