ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުގައި ބިންވެރިޔާ ސްކީމްގެ ދަށުން ހުޅުމާލޭން ދޫކުރަން ނިންމި ގޯތިތަކުގެ ތެރެއިން، އިތުރު 23 ގޯތި ވެރިފަރާތާ ހަވާލުކޮށްފިއެވެ.

މިކަމާއި ގުޅޭގޮތުން ހައުސިން މިނިސްޓްރީން ބުނީ، 29 އޮގަސްޓު 2024 ވީ ބުރާސްފަތި ދުވަހު 13 ގޯތި ހަވާލުކޮށްފައިވާ ކަމަށާއި، އިއްޔެ އިތުރު 10 ގޯތި ވެރިފަރާތްތަކާއި ހަވާލު ކުރެވިފައިވާ ކަމަށެވެ.

އެއާއިއެކު، މި ސްކީމްގެ ދަށުން ޖުމްލަ 648 ގޯތި ވެރިފަރާތްތަކާ ހަވާލުކުރެވިފައިވާ ކަމަށް މިނިސްޓްރީން ވަނީ ހާމަކޮށްފައެވެ.

Advertisement

ބިންވެރިޔާ ސްކީމްގެ ދަށުން ހުޅުމާލޭން ޖުމްލަ 1،408 ގޯތި ވަނީ ދޫކޮށްފައިވާއިރު، އޭގެ ތެރެއިން 761 ގޯތި ވެރިފަރާތްތަކާއި މިހާތަނަށް ހަވާލުކޮށްފައެއް ނުވެއެވެ.

ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ބިން ސާފުކޮށް އެ މިނިސްޓްރީ އާ ހަވާލުކުރާ ހިސާބުން ވެރިފަރާތްތަކާ ބިން ހަވާލުކުރުމުގެ މަސައްކަތް ކުރާނެކަމަށާއި، ގުޅީފަޅާއި ގިރާވަރުފަޅުން ލިބިފައިވާ ގޯތިތައް ހަވާލު ކުރުމަށް ލޭންޑްޔޫސް ޕްލޭން ރިވިއުކޮށް، ހިއްކުމުގެ މަސައްކަތް މިހާރު ކުރަމުންދާ ކަމަށް ހައުސިން މިނިސްޓްރީން ބުނެއެވެ.