ދިވެހި ޤައުމިއްޔަތުގެ އިސްވަރުގެ ނަމުގައި ޤައުމިއްޔަތުގެ އެކި ބަހާތައް ކިޔަވައިދޭ ކޮލެޖު ”ދިވެހި ގައުމިއްޔަތުގެ އިސްވަރު“ އިފްތިތާހުކޮށްފިއެވެ.
ގައުމިއްޔަތުގެ އިސްވަރު އިފްތިތާހުކޮށްދެއްވާފައިވަނީ ގައުމީ ދުވަހާއި ގުޅިގެން ބޭއްވި ރަސްމީ ޖަލްސާގަިއ ރައީސުލްޖުމުހުރިއްޔާ ޑރ. މުހައްމަދު މުއިއްޒުއެވެ.
ދިވެހި ގައުމިއްޔަތުގެ އިސްވަރަކީ ރައީސުލްޖުމުހުރިއްޔާ ޑރ. މުހައްމަދު މުއިއްޒު އެކަށައަޅުއްވާފައިވާ ދިވެހި ގައުމިއްޔަތު އިޔާދަކުރެއްވުމުގެ ގައުމީ ނިޒާމުގެ މުހިއްމު އެއް ގުނަވަނެވެ.
މިއަދުގެ ޖަލްސާގައި ވަނީ ދިވެހި ޤައުމިއްޔަތުގެ އިސްވަރު ކޮލެޖު އެކުލެވިގެންވާ 5 ދާއިރާ އިފްތިތާޙްކޮށްފައެވެ.
ގައުމީ އިސްވަރު އެކުލެވިގެންވާ ދާއިރާތައް:
- ދިވެހި ބަސް
- ދިވެހި ތާރީޚް
- ދިވެހި ތަރިކަ
- ދިވެހި ސުމޭކު
- ދިވެހި ފަންނު
މީގެ އިތުރުން މި ކޮލެޖުގެ ކައުންސިލްގައި ހިމެނޭ ބޭފުޅުންނަށް، އިސްވާރުކަން ވެސް ވަނީ ހަވާލުކޮށްފައެވެ. މި ބޭފުޅުންނަށް އިސްވާރުކަމުގެ ލިޔުން ހަވާލުކޮށްދެއްވީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒެވެ.
ޤައުމިއްޔަތު ކޮލެޖުގެ އިސްވާރުން:
• ދިވެހިބަހުގެ އިސްވާރު - މަރްޔަމް ތައުފީޤާ
• ދިވެހި ތާރީޚުގެ އިސްވާރު - (ކަށިމާ) އަޙްމަދު ޝާކިރު
• ދިވެހި ތަރިކައިގެ އިސްވާރު - ޙަސަން ޒަރީރު
• ދިވެހި ސުމޭކުގެ އިސްވާރު - މުޙައްމަދު ޢަބްދުލްޤާދިރު
• ދިވެހި ފަންނުގެ އިސްވާރު - މަރްޔަމް ޢިޝާ ޢަޒީޒް
ދިވެހިބަހާއި ސަގާފަތާއި ތަރިކައާބެހޭ ވަޒީރު އާދަމް ނަޞީރު އިބްރާހިމް ވިދާޅުވެފައިވާ ގޮތުން، ޤައުމިއްޔަތުގެ ކޮލެޖުގައި އެންމެ ފުރަތަމަ މާއްދާއަކަށް ކިޔަވައިދޭނީ ދިވެހި ތާރީޚު ކަމަށާ އެހެން ކޮލެޖުތަކާ ޚިލާފަށް މި ކޮލެޖުގައި ތާރީޚު ކިޔަވައިދޭގޮތް ތަފާތުވާނެއެވެ.
Advertisement
This content is created and paid for by advertisers and does not involve Voice Journalists
