އެމެރިކާ ކަނޑުގެ ސިފައިންގެ އޮފިސަރަކު ވެނެޒުއެލާއިން ހިފަހައްޓާފައިވާކަމަށް ސީއެންއެނުން ރިޕޯޓްކޮށްފިއެވެ.

ވެނެޒުއެލާއިން އެމެރިކާ ސިފައިންގެ އޮފިސަރަކު ހިފަހައްޓާފައިމިވަނީ މިދިޔަ ހަފްތާގައި، ވެނެޒުއެލާގެ ރައީސް ނިކޮލަސް މަދޫރޯގެ ޕްރައިވެޓް ޖެޓް،  އެމެރިކާ ސިފައިން ހިފަހައްޓާފައިވަނިކޮށްކަމަށެވެ. ސީއެންއެނުން ބުނީ ވެނެޒުއެލާއިން އެމެރިކާގެ ނޭވީއަށް ނިސްބަތްވާ އޮފިސަރަކު ހިފަހައްޓާފައިވާކަމަށް އެޤައުމުގެ ނޭވީން ޔަގީންކޮށްދީފައިވާކަމަށެވެ. އަދި މިކަމެއް ހިނގާފައިވަނީ މަދޫރޯގެ ޖެޓް ހިފެހެއްޓިތާ އެއްދުވަސް ފަހުންކަމަށްވެސް ސީއެންއެނުން ބުންޏެވެ.

އެމެރިކާއިން ވެނެޒުއެލާގެ ރައީސްގެ ޕްރައިވެޓް ޖެޓް ހިފަހައްޓާފައިވަނީ، ޑޮމިނިކަން ރިޕަބްލިކް އެއާޕޯޓުންނެވެ. އެމެރިކާއިން އެ ބޯޓު ހިފަހައްޓާފައިވަނީ، ވެނެޒުއެލާއަށް އަޅާފައިވާ ދަތިކުރުމުގެ ފިޔަވަޅުތަކާ ހިލާފަށް އުސޫލުން ބޭރުގެ ތެރެއިން ގަނެފައިވާ ޖެޓެއްކަމަށް ތުހުމަތުކޮށެވެ. އެމެރިކާއިން މިހާރު ވަނީ އެ ބޯޓް އެ ޤައުމުގެ ފްލޮރިޑާއަށް ގެންގޮސްފައެވެ.

މި މައްސަލާގައި ވެނެޒުއެލާއިން ރުޅިގަދަވެފައިވާއިރު، އެޤައުމުގެ ސަރުކާރުން ބުނެފައިވަނީ މިއީ ރޯމާދުވާލު އެމެރިކާއިން ކުރި ބޮޑު ފޭރުމުގެ އަމަލެއްކަމަށެވެ. މިގޮތުން ވެނެޒުއެލާގެ ރައީސް މަދޫރޯ ވަނީ އެމެރިކާގެ މި އަމަލު ވަރަށްބޮޑަށް ކުށްވެރިކުރައްވާފައެވެ. 

އެމެރިކާއިން ވަގަށްނެގި ކަމަށް ވެނެޒުއެލާއިން ބުނާ، ރައީސް މަދޫރޯގެ ޖެޓް...

ޖެޓް ގެންދިޔަ މައްސަލާގައި ވެނެޒުއެލާއިން ބުނެފައިވަނީ އެމެރިކާއިން އަރައިގަތީ އެޤައުމުގެ މުދަލަކަށް ކަަމަށާއި، މިއީ އެހާ ފަސޭހައިން ދޫކުރެވޭނެ ކަމެއް ނޫންކަމަށެވެ. 

މީޑިއާގެ ބައެއް ރިޕޯޓްތައް ބުނާގޮތުގައި ވެނެޒުއެލާއިން އެމެރިކާ ނޭވީ އޮފިސަރަކު ހައްޔަރުކުރުކޮށްފައިމިވަނީ ރަޝިއާ ނުވަތަ އީރާނުގެ ވާގިވެރިކަން ލިބިގެންނެވެ. 

އެމެރިކާއިން ވެނެޒުއެލާ އާ ދެކޮޅަށް އަޅާފައިވާ ދަތިކުރުމުގެ ފިޔަވަޅުތަކުގެ ސަބަބުން ވެނެޒުއެލާ މިއަދުވެސް އޮތީ އިގްތިސާދީގޮތުން ބޮޑެތި މައްސަލަތަކެއްގެ ތެރޭގައެވެ. ވެނެޒުއެލާ އަކީ ދުނިޔޭގެ އެންމެބޮޑު ތެލުގެ ރިޒާވް އޮތް ޤައުމެވެ. ނަމަވެސް އެމެރިކާއިން އަޅާފައިވާ ދަތިކުރުމުގެ ފިޔަވަޅުތަކުގެ ސަބަބުން އެޤައުމަށް ބޭނުންވާ ހަކަތައިގެ ގޮތުގައި ބޭނުންކުރާ ތެލުގެ ބައެއް ބާވަތްތައް ޖެހެނީ ބޭރު ޤައުމުތަކުން އެތެރެކުރާށެވެ.