އެމެރިކާއިން ކުއަންޓަމް ކޮމްޕިއުޓަރާއި ސެމީކޮންޑަކްޓަރ އުފައްދާ އާލާތްތައް އެކްސްޕޯޓްކުރުން ކޮންޓްރޯލްކުރުމަށް އިތުރު ފިޔަވަޅުތަކެއް އަޅައިފިއެވެ.
އެމެރިކާގެ ކޮމަރސް ޑިޕާޓްމަންޓުން މި ފިޔަވަޅު އަޅާފައިވަނީ 'ރަހުމަތްތެރި ގައުމުތަކާ' އެކު މަޝްވަރާކުރުމަށްފަހު، ވާދަވެރި ގައުމުތަކުގެ މިސިނާއަތްތަކަށް އެމެރިކާގެ ޓެކްނޮލޮޖީގެ ނާޖާއިޒު ފައިދާ ލިބުނަ ނުދިނުމަށްކަމަށް އެމެރިކާއިން ބުނެއެވެ. އެމެރިކާއިން ގެންދަނީ ރަހުމަތްތެރި އެހެން ގައުމުތަކުންވެސް ޗައިނާފަދަ ގައުމުތަކާ ދެކޮޅަށް ވިޔަފާރީގެ ދަތިކުރުމުގެ ފިޔަވަޅު އެޅުމަށް ބާރުއަޅަމުންނެވެ.
ނެދަލެންޑްސްއިންވެސް ހަފްތާ ބަންދުގައި ސެމިކޮންޑަކްޓަރ އުފައްދާ މެޝިނަރީ އެކްސްޕޯޓްކުރުން ކޮންޓްރޯލްކުރާނެކަން ވަނީ އިއުލާންކޮށްފައެވެ. ޖަޕާނުންވެސް މިފަދަ ފިޔަވަޅުތަކެއް ވަނީ އަޅާފައެވެ.
ޗައިނާއާހަމަޔަށް އެހެން ގައުމުތަކުގެ ޓެކްނޮލޮޖީ ފޯރުނަނުދިނުމަށް އެގައުމުތަކުން މަސައްކަތްކުރާއިރު، އަނެއްކޮޅުން ޗައިނާއިން ގެންދަނީ އެގައުމުން ޓެކްނޮލޮޖީގެ ދާއިރާގައި އެހެން ގައުމުތަމަށް ބަރޯސާވުން ކުޑަކޮށް، އަމިއްލަ ކުއެރުމަށް ބޮޑެތި މަސައްކަތްތަކެއް ކުރަމުންނެވެ.
ޖަޕާނުގެ ދިރާސާކުރާ ކުންފުންޏެއްކަމަށްވާ ޓެކާނާލައި ކުންފުނިން އަންދާޒާކުރާ ގޮތުގައި ޗައިނާގެ ޗިޕްތައް އުޅެނީ ވާދަވެރި ޓައިވާނުގެ ޓީ.އެސް.އެމް.ސީ ކުންފުނީގެ ޗިޕްތަކަށްވުރެ އެންމެ ތިން އަހަރު ފަހަތުގައެވެ.
އެމެރިކާގެ ފިޔަވަޅުތަކާ ގުޅިގެން ޗައިނާގެ ޚާރިޖިއްޔާއިން ބުނީ އެމެރިކާއިން މަސައްކަތްކުރަނީ ބައިނަލްއަގްވާމީ ސަޕްލައި ޗެއިނަށް ބުރޫއަރުވަން ކަމަށެވެ.
Advertisement
This content is created and paid for by advertisers and does not involve Voice Journalists
