އިންޑިއާގެ މުމްބާއީގައި ހަދަމުން އަންނަ ކަނޑުއަޑީގެ ޓަނަލް، އާދިތު ޓަނަލަށް އިމާރާތްކުރުމާއި ބިނާރާއި ބެހޭ ވަޒީރު ޑރ.އަބްދުﷲ މުއްޠަލިބް ޒިޔާރަތްކުރައްވައިފިއެވެ.
އިމާރާތްކުރުމާއި ބިނާރާއި ބެހޭ ވުޒާރާއިން ބުނީ، މި ޒިޔާރަތުގައި ވަޒީރު މުއްޠަލިބްގެ އަރިހުގައި ސްޓޭޓް މިނިސްޓަރު އިބްރާހިމް ތާޢާމް މުޙައްމަދާއި ސްޓޭޓް މިނިސްޓަރު އިސްމާޢީލް ޙަމީދުގެ އިތުރުން ރާއްޖެއަށް ކަނޑައަޅުއްވާފައި ހުންނަވާ އިންޑިއާގެ ހައި ކޮމިޝަނަރު މުނު މަހާވަރު ވެސް ބައިވެރިވެވަޑައިގެންނެވިކަމަށެވެ.
މި ޓަނަލަކީ މުމްބާއީން އަހުމަދުއާބާދަށް ރޭލުން ދަތުރުކުރުމަށް ހަދާ 7.1 ކިލޯމީޓަރުގެ ޓަނަލެކެވެ.
ބްރިޖްތަކަ ބެހޭ ވުޒާރާއިން ވިދާޅުވިގޮތުގައި، މިއީ ރާއްޖޭގެ އުމްރާނީ ތަރައްގީގެ މަޝްރޫއުތަކަށް ބޭނުންކުރެވިދާނެ އާ ޓެކްނޮލޮޖީތަކާއި ގޮތްތައް ދެނެގަތުމުގެ މަގްސަދުގައި ކުރި ޒިޔާރަތެކެވެ. އަދި މި ޒިޔާރަތުގެ ސަބަބުން ރާއްޖެއާއި އިންޑިއާއާ ދެމެދު އޮންނަ ގުޅުން އިތުރަށް ބަދަހިކޮށް، ދެ ޤައުމުގެ މެދުގައި ޓެކްނިކަލް މަޢުލޫމާތު ޙިއްޞާކުރުމަށް ފަހި ފުރުސަތަކަށް ވެގެންދާނެ ކަމަށް އެ ވުޒާރާއިން ވަނީ ހާމަކޮށްފައެވެ.
Advertisement
This content is created and paid for by advertisers and does not involve Voice Journalists
