މާދަމާ ހެނދުނު މާލެއާއި ހުޅުމާލޭގެ ބައެއް ސަރަހައްދު ތަކުން ކަރަންޓް ކެނޑިދާނެ ކަމަށް ސްޓެލްކޯއިން ބުނެފިއެވެ.

ސްޓެލްކޯއިން މިއަދު އެކްސްގައި ކުރި ޕޯސްޓެއްގައި ބުނީ، ހުޅުމާލޭ ދެވަނަ ފިޔަވަހީގައި ބަހައްޓާފައިވާ 132 ކޭވީ ހައިވޯޓޭޖް ސަބްސްޓޭޝަން ގްރޭޓާ މާލޭ އިންޓަކަނެކްޝަން ގްރިޑާއި ގުޅުވާލައި، އެ ސަބްސްޓޭޝަން އެނާޖައިޒް ކުރުމަށް ކުރަންޖެހޭ މަސައްކަތް ކުރުމަށް މާލޭ އާއި ހުޅުމާލޭގެ ބައެއް ސަރަހައްދު ތަކުން މާދަމާ ހެނދުނު 6:00 އާއި 7:00 ދެމެދު ކަރަންޓް ކެނޑުމަކީ އެކަށީގެންވާ ކަމެއް ކަމަށެވެ.

ސްޓެލްކޯއިން ވަނީ އޭގެ ސަބަބުން ދިމާވެދާނެ ދަތިތަކަށް މަޢާފަށް އެދިފައެވެ.

Advertisement

ސްޓެލްކޯއިން މިފަދަ މަސައްކަތްތައް ކުރަމުންދަނީ މާލެ އާއި ހުޅުމާލޭ ކަރަންޓުގެ ވިއުގަ އިތުރަށް ހަރުދަނާކޮށް، ރައްޔިތުންނަށް ދެމުންދާ ޚިދުމަތް އިތުރަށް ރަނގަޅުކުރުމުގެ މަޤްޞަދުގައެވެ. މިފަދަ މަސައްކަތްތަކުގެ ސަބަބުން ވަގުތީގޮތުން ކަރަންޓު ކެނޑުނު ނަމަވެސް، ދިގު މުއްދަތަކަށް ބަލާއިރު މިއީ ރައްޔިތުންނަށް ލިބޭނެ ފައިދާއެއް ކަމުގައި ސްޓެލްކޯއިން ދެކެއެވެ.