ފަރީދު ހޯދައި ބަންދުގައި ބަހައްޓައިގެން އޭނާ ކޯޓަށް ހާޒިރުކުރުމަށް ފުލުހުން ނިކުމެއްޖެއެވެ.
ފުލުހުން ނެރެފައިވާ އާއްމުކުރި އިއުލާނެއްގައި ބުނެފައިވަނީ، ކްރިމިނަލް ކޯޓަށް ހުށަހަޅާފައިވާ މައްސަލައަކާ ގުޅިގެން، ގދ. ރަތަފަންދޫ / ރަންގިރީގެ، އުމުރުން 28 އަހަރުގެ ޙައްމާދު ފަރީދު ހޯދުމުގެ މަސައްކަތް ފުލުހުން ފަށާފައިވާަކަމަށެވެ. ކްރިމިނަލް ކޯޓުން ވަނީ ފަރީދު ހޯދައިދިނުމަށް ފުލުހުންގެ މައްޗަށް އަމުރުކޮށްފައެވެ.
ޙައްމާދު ފަރީދު ހޯދަމުންދަނީ އޭނާގެ މައްޗަށް ހުށަހެޅިފައިވާ، މަގުބޫލު ސަބަބެއްނެތި އާންމުތަނެއްގައި ތޫނުއެއްޗެއް ގެންގުޅުނު ކުށުގެ މައްސަލައާ ގުޅިގެންނެވެ. ކޯޓަށް ހާޒިރުކުރުމަށް ބޭނުންވެ ހާޒިރުކުރެވިފައި ނުވާތީއެވެ.
ޙައްމާދު ފަރީދުއާ ބެހޭ އެއްވެސް މައުލޫމާތެއް ލިބިފައިވާ މީހަކު ވާނަމަ ފުލުހުންގެ ކަސްޓޯޑިއަލް ނަންބަރު 9991442 އަށް ގުޅައި ހިއްސާކުރުމަށް ފުލުހުން ވަނީ އެދިފައެވެ.
ފަރީދުއަކީ ކުށުގެ ރެކޯޑް އޮންނަ މީހެކެވެ. މީގެ ކުރިން 2020 ވަނަ އަހަރުވެސް ކްރިމިނަލް ކޯޓުން ވަނީ ޤާނޫނަށް ބޯ ނުލެނބުމުގެ މައްސަލައެއްގައި މުޖުތަމައުގެ ސަލާމަތާ ރައްކާތެރިކަމުގެ މައްސަލައެއްގައި ފަރީދު ބަންދުގައި ބެހެއްޓުމަށް އަމުރުކޮށްފައެވެ.
Advertisement
This content is created and paid for by advertisers and does not involve Voice Journalists
