ފަލަސްތީނަށް މިނިވަން ދައުލަތެއް ނެތި ސައުދީ ޢަރަބިއްޔާއިން އިޒްރޭލު ބަލައިނުގަންނާނެ ކަމަށް ބުދަ ދުވަހު ސައުދީ ޢަރަބިއްޔާގެ ވަލީއަހުދު މުހައްމަދު ބިން ސަލްމާން ޝޫރާ ކައުންސިލްގައި ވިދާޅުވެއްޖެ އެވެ.

ޝޫރާ މަޖިލީހުގައި ދެއްކެވި ވާހަކަފުޅުގައި މުހައްމަދު ބިން ސަލްމާން ވަނީ  ފަލަސްތީނު ރައްޔިތުންނާ ދެކޮޅަށް “އިސްރާއީލީ އޮކިއުޕޭޝަނުގެ ޖަރީމާތައް” ހަރުކަށި އިބާރާތުން ކުއްވެރިކުރައްވާފައެވެ.

ފަލަސްތީނަށް މިނިވަން ދައުލަތެއް ހޯދައިދިނުމަށް ސައޫދީން މަސައްކަތްކުރައްވާނެ ކަމަށްވެސް އޭނާ ވިދާޅުވި އެވެ.

Advertisement

އަދި މީގެ އިތުރުން ގުދުސް މިނިވަންކުރުމާއި އެއީ ފަލަސްތީންގެ ވެރިރަށް ކަމަށް ހެއްދެވުމަކީ ސައޫދީގެ އަޒުމެއް ކަމަށްވެސް އޭނާ ވިދާޅުވި އެވެ.

ޔަމަނު، ސޫދާން، ލިބިޔާ އަދި ޔުކްރެއިންގެ ހަނގުރާމަތަކަށް ސިޔާސީ ހައްލެއް ހޯދުމަށް މަސައްކަތްކުރުމުގެ ގޮތުން ސަރަޙައްދީ އަދި ބައިނަލްއަޤްވާމީ ސަލާމަތާއި އަމަން އިތުރުކުރުމަށް ސައުދީއިން މަސައްކަތްކުރަމުންދާ ކަމަށް ވަލީ އަހުދު ވިދާޅުވިއެވެ.

އަދި ދުނިޔޭގައި ހައްގު ނިގުޅައިގަނެވިފައި ތިބިހާ ބައެއްގެ ހައްގުގައި ސައޫދީން މަސައްކަތްކުރާނެ ކަމުގެ ޔަގީންކަންވެސް އޭނާ ދެއްވި އެވެ.