އުސްފަސްގަނޑާ ދިމާ ކަނޑުމަތީގައި މަރުވެފައި އޮއްވާ ފެނިފައިވަނީ އެމްޑީޕީގެ އިސްލާހީ މަސައްކަތްތަކުގައި ފޮޓޯގްރާފަރެއްގެގޮތުގައި ފެނިގެންދިޔަ އިބްރާހީމް ޖައުހަރީކަމަށް މައުލޫމާތު ލިބިއްޖެއެވެ.

ވޮއިސްއަށް އެނގިފައިވާ ގޮތުގައި ޖައުހަރީ، ނުވަތަ އާއްމު ނަމުންނަމަ ޖޯރޭއަކީ އާއްމު ގޮތެއްގައި އުސްފަސްގަނޑާ ދިމާލު އަދި ބްރިޖް ކައިރީ އެއްގަމަށް މަސްބާނަންދާ މީހެކެވެ. އޭނާ އެ ސަރަހައްދަށް މަސްބާނަންގޮސް ހުއްޓައި މީގެ ކުރިން އެތައް ފަހަރަކު ވޮއިސްގެ ނޫސްވެރިންނާ ބައްދަލުވެފައިވެސް އެބަހުއްޓެވެ.

ޖޯރޭއަކީ ރައީސް މައުމޫނުގެ ވެރިކަން ބަދަލުވިއިރު، އެމްޑީޕީގެ ހަރަކާތްތަކުގައި އާއްމުކޮށް ފެންނަ ވަރަށްގިނަ މީހުން ދަންނަ މީހެކެވެ. އޭރު ފޮޓޯ ގްރާފަރެއްގެ ގޮތުގައިވެސް އޭނާ ފެނިގެންދިޔައެވެ. އެމްޑީޕީގެ ބައެއް ހަރަކާތްތަކުގައި އުޅެނިކޮށް ޖޯރޭ ފުލުހުންގެ ބެލުމުގެ ދަށަށްވެސް ގެންދިޔައެވެ. ފަހުން މީޑިއާގެ ހަރަކާތްތަކާ ފެއަށް ޖެހިލުމަށްފަހު، އޭނާ ކުރަމުން އައި މަސައްކަތަކީ އިލެކްޓްރޯނިކް މަސައްކަތެވެ. މިގޮތުން ދޮންނަ މެޝިނާއި، ފެންމޯޓަރު މަރާމާތުކުރުމުގެ މަސައްކަތަކީ އޭނާ ފަހުން ކުރަމުންއައި މަސައްކަތެވެ

Advertisement

ފުލުހުން ބުނެފައިވަނީ، މަރުވެފައިވާ މީހަކު އޮޔާދާކަމުގެ ރިޕޯޓް ފުލުހުންނަށް ލިބުނީ، ހަވީރު 17:06 ހާއިރުކަމަށެވެ. އޭނާ ނަގައިގެން އައިޖީއެމްއެޗަށް ގެންދިޔައިރުވެސް މަރުވެފައިވާކަމަށް ފުލުހުން ވަނީ ބުނެފައެވެ.