ފަލަސްތީނަށް ކޮންމެ މަހަކުވެސް މާލީ އެހީތެރިކަން ފޯރުކޮށްދިނުމަށް ސައުދީ އަރަބިއާއިން ނިންމައިފިއެވެ.
ސައުދީ އަރަބިއާއިން ބުނީ، ޣައްޒާ އާއި އެސަރައްދާއި ކަރީގައިވާ ހިސާބުތަކުގައި ޔަހޫދީން ހިންގަމުންދާ ލާއިންސާނީ އަމަލުތަކުގެ ސަބަބުން ފަލަސްޠީނުގެ ރައްޔިތުންނަށް މަހުން މަހަށް މާލީ އެހީތެރިކަން ފޯރުކޮށްދޭން ނިންމާފައިވާކަމަށެވެ.
އެހެންނަމަވެސް، ފޯރުކޮށްދެނީ ކިހާވަރެއްގެ މާލީ އެހީތެރިކަމެއްކަން އެގައުމުން ސާފުކޮށްދީފައެއް ނުވެއެވެ.
މީގެ އިތުރުންވެސް ސައުދީން ބުނީ، ގަތުލުއާއްމު ހުއްޓުވުމަށާއި، ފަލަސްތީނުގެ ރައްޔިތުން ރައްކާތެރިކޮށް، އެމީހުންނަށް ބޭނުންވާ އެހީތެރިކަން ފޯރުކޮށްދިނުމަށްޓަކައި ބައިނަލްއަޤްވާމީ މުޖުތަމަޢުގެ މެންބަރުންނާއެކު ސަލްމާން ރަސްގެފާނާއި ބޮޑުވަޒީރު އަދި ވަލީ އަހުދު މުޙައްމަދު ބިން ސަލްމާން ގިނަ ގުނަ މަސައްކަތްތަކެއް ކުރަމުންދާ ކަމަށެވެ.
ހަމައެއާއިއެކު، ފަލަސްތީނަށް ފުރިހަމަ މިނިވަންކަން ހޯދުމާއި ގުޅޭ މައްސަލަ އަށް ވަރަށް ބޮޑު އަހަންމިއްޔަތުކަމެއް ދެއްވާކަމަށާއި، ޣައްޒާގައި އިސްރާއީލުން ހިންގަމުންދާ އުދުވާން ހުއްޓުވައި، ޣައްޒާގެ ހާލަތު ރަނގަޅު ކުރުމަށް ކުރެވެންހުރި ހުރިހާ މަސައްކަތެއް ކުރަމުންދާކަމަށް ވެސް ސައުދީން ވަނީ ހާމަކޮށްފައެވެ.
Advertisement
This content is created and paid for by advertisers and does not involve Voice Journalists
