އިންޑިއާގެ ސަލާމަތަށް ނުރައްކާތެރިވާނެ ފަދަ އެއްވެސް ކަމެއް ރާއްޖެއިން ނުކުރާނެކަމަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ވިދާޅުވެއްޖެއެވެ.
ރައީސް ޑރ.މުޢިއްޒު މިފަދައިން ވިދާޅުވީ، މިހާރު އެމަނިކުފާނު އިންޑިއާއަށް ކުރައްވަމުން ގެންދަވާ ފުރަމާނަ ދަތުރުފުޅުގައި އެގައުމުގެ "ޓައިމްސް އޮފް އިންޑިއާ" ނޫހަށް ދެއްވި އިންޓަވިއުއެއްގައެވެ.
މިގޮތުން ރައީސް ޑރ.މުޢިއްޒު ވިދާޅުވީ، އިންޑިއާ އަކީ ރާއްޖޭގެ އަގުހުރި ބައިވެރިއެއް ކަމަށާއި، އިންޑިއާ އާއިއެކު އޮތް ޒަމާނީ ގުޅުން ވަރުގަދަކުރައްވާނެ ކަމަށެވެ.
ސަރުކާރުން އެންމެ އިސްކަމެއް ދެނީ މި ސަރަޙައްދުގެ ސަލާމަތާއި ހަމަޖެހުން ޤާއިމުވެފައި އޮތުމުގެ މައްޗަށްކަން ފާހަގަކުރައްވަމުން ރައީސް ޑރ.މުޢިއްޒު ވަނީ އެކި ދާއިރާތަކުން އެހެން ޤައުމުތަކާއެކު ގުޅިގެން މަސައްކަތް ކުރަމުންދާއިރު ރާއްޖެއިން ކުރާ ކަމެއްގެ ސަބަބުން މި ސަރަޙައްދުގެ ސަލާމަތާއި ހަމަޖެހުމަށް ގެއްލުމެއް ނުލިބޭނެކަމުގެ ޔަޤީންކަންދެއްވާފައެވެ.
"އިންޑިއާއާއެކު އޮތް ޒަމާންވީ އަދި ވަރުގަދަ ގުޅުމަށް އިސްކަންދެމުން ގެންދާނަން. އެހެން ޤައުމުތަކާއެކު އަޅުގަނޑުމެން ދަމަހައްޓައި ގުޅުންތަކުން، އިންޑިއާގެ ސަލާމަތީ މަސްލަހަތަށް ބުރޫނާރާނެ ކަމުގެ ޔަޤީންކަން އަޅުގަނޑުމެންނަށް އެބައޮތް."
ރައީސް ޑރ.މުޢިއްޒު ވިދާޅުވިއެވެ.
ރައިސް ޑރ.މުޢިއްޒު ވިދާޅުވީ، އެމަނިކުފާނުގެ ޕޮލިސީ އަކީ "މޯލްޑިވްސް ފަސްޓް" ކަމަށާއި، އިންޑިއާއާއެކު އޮތް ޒަމާންވީ އަދި ވަރުގަދަ ގުޅުމަށް އިސްކަންދެމުން ގެންދާނެކަމަށާއި އެހެން ޤައުމުތަކާއެކު ދަމަހައްޓައި ގުޅުންތަކުން، އިންޑިއާގެ ސަލާމަތީ މަސްލަހަތަށް ބުރޫނާރާނެކަމަށެވެ.
މީގެ އިތުރުންވެސް ރައީސް ޑރ.މުޢިއްޒު ވަނީ މި ދަތުރުފުޅުގެ ތެރެއިން ދެ ޤައުމުގެ ގުޅުން އައު ހަރުފަތަކަށް ގެންދެވޭނެކަމުގެ ޔަގީންކަން އޮތްކަމަށް ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
