ހުޅުމާލެއިން ޕޮކެޓް ޕާކިން ޒޯންތަކުން ޖާގަ ކުއްޔަށް ހިފަން އެދި ހުށަހަޅަން ހުޅުވާލި މުއްދަތު ހައުސުން ޑިވޮލޮޕްމެންޓް ކޯޕަރޭޝަން (އެޗްޑީސީ)ން އިތުރުކޮށްދީފިއެވެ.

އެޗްޑީސީން ކުރި އިއުލާނެއްގައި ބުނީ، ހުޅުމާލޭ "ޕޮކެޓް ޕާކިން" ޒޯންތަކުން ޕާކުކުރާނެ ޖާގަ ކުއްޔަށް ހިފުމަށް އެދި ފޯމު ހުށަހަޅަން ދީފައިވާ މުއްދަތު 17 އޮކްޓޯބަރ ވާ ހަފުތާގެ ބުރާސްފަތި ދުވަހުގެ 14:00ގެ ނިޔަލަށް އިތުރު ކޮށްދީފައިވާ ކަމަށެވެ.

ޕޮކެޓް ޕާކިންއަށް އެދި ފޯމު ހުށަހެޅުމާ ގުޅޭ އިތުރު މައުލޫމާތު، އެޗްޑީސީގެ ވެބްސައިޓުން ނުވަތަ /https://properties.hdc.mv/ ލިބޭނެ ކަމަށާ އިތުރު މައުލޫމާތު ސާފުކުރެއްވުމަށް އެ ކޯޕަރޭޝަނުގެ ނަންބަރު 1516 އަށް ގުޅަން ވަނީ އެދިފައެވެ. 

Advertisement

ޕޮކެޓް ޕާކިންގެ ގެ ގޮތުން 8 ޕާކިން ޒޯނަކުން ޖުމްލަ 1،374 ޕާކިން ޖާގަ ކުއްޔަށް ދިނުމަށް ވަނީ ހަމަޖެހިފައެވެ.

އެޗްޑީސީން ބުނެފައިވާ ގޮތުގައި މި ޕާކިން ޖާގަތައް އެއް އަހަރުގެ މުއްދަތަށް ކުއްޔަށް ދޫކުރާނީ މަހަކު 2،000 ރުފިޔާއަށެވެ. ޕާކިން ޖާގަ ކުއްޔަށް ހިފާނެ ފަރާތްތައް ކަނޑައަޅާނީ ގުރުއަތުލައިގެންނެވެ.