އިންޑިއާގެ މަހާރާޝްތުރާގެ ކުރީގެ މިނިސްޓަރު އަދި އެންސީޕީގެ އަޖިތު ޕަވާރު ފެކްޝަންގެ މެމްބަރު ބާބާ ސިއްދީގުގެ ގަޔަށް މުމްބާއީގެ ބަންދްރާގައި ބަޑިޖަހައި އަވަހާރަކޮށްލައިފިއެވެ.

އިންޑިއާގެ ނޫސްތަކުން ބުނާ ގޮތުގައި ހޮނިހިރު ދުވަހުގެ ރޭ 9.30 ހާއިރު ސިއްދީގަށްްްްް އަމާޒުކޮށް، ޖުމްލަ ހަ ވަޒަން ފޮނުވާލާފައިވަނީ، ވަނީ ބަންޑާރަ އިރުމަތީ ދާއިރާގެ މެމްބަރު، ސިއްދީގުގެ ދަރިކަލުން ޒީޝާންގެ އޮފީސް ކައިރީގައެވެ. މި މައްސަލަ އާއި ގުޅިގެން އިންޑިއާގެ ފުލުހުން ވަނީ ދެ މީހަކު ހައްޔަރުކޮށްފަ އެވެ.

މި ހަމަލާއާއިއެކު، ބާބާ ސިއްދީގު ލީލަވަޓީ ހޮސްޕިޓަލަށް ގެންދިޔައިރު، އުމުރުން 66 އަހަރުގެ އެންސީޕީގެ ލީޑަރުގެ ގަޔަށް ހަތަރު ވަޒަނެއް އެރިއިރު އޭނާގެ އެހީތެރިންގެ ތެރެއިން އެކަކު ވަނީ މި ހަމަލާގައި ޒަހަމްވެފައެވެ. 

މަހާރާޝްތުރާގެ ޗީފް މިނިސްޓަރު އެކްނާތު ޝިންޑޭ ވިދާޅުވީ އެ ހޮސްޕިޓަލުގެ ފުލުހުންނާއި ޑޮކްޓަރުންނާ ވާހަކަ ދައްކާފައިވާ ކަމަށާއި، ބާބާ އަވަހާރަވެފައިވާކަން އެމީހުން ކަށަވަރުކޮށްދީފައިވާކަމަށެވެ.

ބަންދްރާ ވެސްޓްގެ މެމްބަރުކަން ތިން ފަހަރެއްގެ މަތިން ކުރެއްވި ބާބާ ސިއްދީގު 48 އަހަރު ވަންދެން ކޮންގްރެސްއާއިއެކު ހުންނެވުމަށްފަހު، އޭނާ ވަނީ ފެބްރުއަރީ މަހު ޕާޓީން ވަކިވެ އަޖިތު ޕަވާރުގެ އެންސީޕީއާ ގުޅިވަޑައިގެންފަ އެވެ.

ސިއްދީގީ ވަނީ 1999، 2004 އަދި 2009 ވަނަ އަހަރު ބަންދްރާ ވެސްޓްގެ މެމްބަރު ކަމަށް އިންތިޚާބުވެވަޑައިގެން، 2004 އާއި 2008 އާ ދެމެދު ކާބޯތަކެއްޗާއި ސިވިލް ސަޕްލައިސް، ލޭބަރ އަދި އެފްޑީއޭގެ މިނިސްޓަރ އޮފް ސްޓޭޓްގެ މަގާމުވެސް އަދާކުރައްވާފައެވެ.

މީގެ އިތުރުންވެސް ސިއްދީގީ އަކީ ބޮލީވުޑް ގެ ތަރިންނާއި ގާތްގުޅުމެއް އޮންނަ، ކުލަގަދަ ޕާޓީތައް ބޭއްވުމަށް މަޝްހޫރު ފަރާތެއްކަން ވެސް ފާހަގަކޮށްލަން ޖެހެއެވެ.