އިލެކްޝަންސް ކޮމިޝަން (އީސީ)ގެ ރައީސް ފުއާދު ތައުފީގުގެ ދައުރު ހަމަވާތީ، އެ ކޮމިޝަނުގެ މެމްބަރުކަމަށް އަބްދުލް ހަސީބް އިސްމާއީލް އައްޔަން ކުރެއްވުމަށް ރައްޔިތުންގެ މަޖިލީހަށް ފޮނުއްވައިފިއެވެ.
އީސީގެ މެންބަރު ކަމަށް ކުރިމަތިލުމަށް ސެޕްޓެންބަރު މަހުގެ 12 ވަނަ ދުވަހު ހުޅުވާލުމުން އެ މަގާމަށް ކުރިމަތިލެއްވި ބޭފުޅުންގެ ތެރެއިން މަގާމަށް އައްޔަނު ކުރުމަށް ފެނިވަޑައިގަންނަވާ ބޭފުޅާގެ ނަން ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ވަނީ މަޖިލީހަށް ފޮނުވާފަ އެވެ.
މަޖިލީހަށް ރައީސް ޑރ.މުޢިއްޒު، އަބްދުލް ހަސީބު އިސްމާއިލް، ހުޅުމާލެ ހިޔާ 11-23-05 ގެ ނަން ހުށަހެޅުއްވިއިރު، މި މަގާމަށް ކުރިމަތި ލެއްވި އިތުރު ބޭފުޅުންގެ ނަންތައްވެސް ވަނީ މަޖިލީހަށް ފޮނުއްވާފައެވެ.
އެއާއިއެކު، މަޖިލީހުން ވަނީ އީސީ އަށް މެންބަރަކު އައްޔަނު ކުރުމަށް ރައީސް ފޮނުއްވާފައިވާ މައްސަލަ ދިރާސާ ކުރުމަށް މިނިވަން މުއައްސަސާތަކުގެ ކޮމިޓީއަށް ފޮނުވާފަ އެވެ.
މިވަގުތު އީސީގެ ރައީސްގެ މަގާމުގައި ހުންނެވި ފުއާދުގެ ދައުރު ހަމަވާނީ ނޮވެމްބަރު 24 އަށެވެ.
Advertisement
This content is created and paid for by advertisers and does not involve Voice Journalists
