މިދިޔަ އަހަރުގެ އޮކްޓޫބަރު މަހުގެ 7 ވަނަ ދުވަހުން ފެށިގެން ހައްދުފަހަނައަޅާފައިވާ ޔަހޫދީން ފަލަސްތީނުގެ ޣައްޒާގައި ހިންގަމުންދާ އުދުވާންތަކާއި ގުޅިގެން، ނިކަރަގުއާއިން އިސްރާއީލާއިއެކު އޮތް ގުޅުން ކަނޑާލަން ނިންމައިފިއެވެ.

ޔަހޫދީންގެ އަނިޔާވެރިކަމުގެ ސަބަބުން ބައިނަލްއަގުވާމީ ދުނިޔޭގައި އެމީހުން އެކަހެރިވަމުން އަންނަ ދަނޑިވަޅެއްގައި ނިކަރަގުއާއިން މިފަދައިން ނިންމިކަން އެގައުމުގެ ރައީސް ޑެނިއަލް އޯޓޭގާ ގެ އަނބިކަނބަލުން އަދި ނައިބު ރައީސާ ރޮސާރިއޯ މޮރިލޯ ވަނީ އިއުލާނުކުރައްވާފައެވެ.

މިގޮތުން މޮރިލޯ ވިދާޅުވީ، އެކަމަނާގެ ފިރިކަލުން، ރައީސް އޯޓޭގާ ވަނީ "ގަތުލުއާއްމު ހިންގަމުންދާ އިސްރާއީލުގެ ސަރުކާރާއިއެކު އޮތް ހުރިހާ ޑިޕްލޮމެޓިކް ގުޅުމެއް" ކަނޑާލުމަށް އަމުރުކޮށްފައިކަމަށެވެ.

Advertisement

ނިކަރަގުއާއިން މިފަދައިން ނިންމާފައިމިވަނީ، އިސްރާއީލުން ޣައްޒާގެ އިތުރުން، ލުބުނާނަށް ވެސް އެމީހުންގެ އުދުވާންތައް ފުޅާކޮށްފައިވާ ދަނޑިވަޅެއްގައިކަން ފާހަގަކޮށްލަން ޖެހެއެވެ.