އެމެރިކާގެ ރިޔާސީ އިންތިހާބުގެ ޕޯލް ނަތީޖާއިން އެގައުމުގެ ރައީސް ކަމަށް ވާދަކުރައްވާ ކެނޑިޑޭޓް، ނައިބު ރައީސާ ކަމަލާ ހެރިސް ކުޑަ ތަފާތަކުން ކުރީގައި އުޅޭކަމަށް ދައްކައިފިއެވެ.
ކަމަލާއާއި އެކު ދެން މި އިންތިހާބުގައި ވާދަކުރައްވަނީ އެމެރިކާގެ ކުރީގެ ރައީސް ޑޮނަލްޑް ޓްރަމްޕެވެ.
ޕޯލު ނަތީޖާ ދައްކާގޮތުން، ރިޔާސީ އިންތިހާބުތަކުގައި ޑިމޮކްރެޓްސް އަށް ވޯޓްލާ "ބްލޫ ވޯލް" ސްޓޭޓްތަކުން ހެރިސް ކުރިހޯއްދަވާފައިވާއިރު، މިޝިގަންއިން 3 އިންސައްތަ އަދި ޕެންސިލްވީނިއާ އަދި ވިސްކޮންސިން އިން 2 ޕޮއިންޓުގެ ތަފާތަކާއި އެކު ކުރީގައި އުޅެނީ ވެސް ހެރިސްއެވެ.
މީގެ އިތުރުންވެސް، މެރިސްޓް ޕޯލް އިން ވެސް ދައްކާ ގޮތުގައި ޓްރަމްޕަށް ވުރެ ކަމަލާ އުޅެނީ ކުރީގައެވެ. މި ޕޯލުން ހެރިސް އާއި ޓްރަމްޕާއި ދެމެދު ފުދޭވަރެއްގެ ފަރަގެއް ހުރިކަމަށްދައްކައެވެ. މިގޮތުން ގިނަ އަންހެނުންގެ ތާއީދު ކަމަލާއަށް ލިބި އޭނާ އަށް ވަނީ މިޝިގަން އިން 11 ޕޮއިންޓް، ޕެންސިލްވީނިއާއިން 8 ޕޮއިންޓް އަދި ވިސްކޮންސިން އިން 12 ޕޮއިންޓް ލިބިފައެވެ.
މި ޕޯލުން ދައްކާ ގޮތުގައި ޓްރަމްޕަށް ލިބިފައިވަނީ މިޝިގަން އިން 6 ޕޮއިންޓް، ޕެންސިލްވީނިއާއިން 4 ޕޮއިންޓް އަދި ވިސްކޮންސިން އިން 9 ޕޮއިންޓެވެ.
މި އިންތިހާބުގެ ކެމްޕޭން ކުރިއަށްދާއިރު، ދެ ފަރާތުންވެސް ހޫނު ބަހުގެ ހަމަލާތައް ރައްދުކުރަމުން އަންނަކަން ފާހަގަކޮށްލެވެއެވެ.
Advertisement
This content is created and paid for by advertisers and does not involve Voice Journalists
