Advertisement

67 ކާޓަން ސިނގިރޭޓު ވަގަށް ނެގި މީހަކު ހައްޔަރުކޮށްފި

މައްސަލަ އާއި ގުޅިގެން ފުލުހުން ހައްޔަރުކުރި މީހާ-- ފޮޓޯ: ޕޮލިސް

67 ކާޓަން ސިގިރޭޓު ވަގަށް ނެގި މީހަކު ފުލުހުން ހައްޔަރުކޮށްފިއެވެ.

ފުލުހުން ބުނީ، އިއްޔެ ފަތިހު 5:40 ހާއިރު ފުލުހުން ޕެޓްރޯލް ކުރަމުން ދިޔައިރު އޮލިމްޕަސް ކައިރިން ދިޔަ މީހަކާމެދު ތުހުމަތު ކުރެވުމާއިގުޅިގެން އެމީހާ ހުއްޓުވައި, އޭނާ ގެންގުޅުނު ދަބަސްތަކަކާއި ކޮތަޅުތަކެއް ބަލައި ފާސްކުރިއިރު އޭގެ ތެރެއިން ސިނގިރޭޓު ކާޓަންތަކެއް ފެނުނު ކަމަށެވެ.

ފުލުހުން ބުނީ، މިހާތަނަށް ބެލި ބެލުމުން އެއީ ނޮޓިކަލް ޕްރައިވެޓް ލިމިޑެޓުން ވަގަށް ނަގާފައިވާ ތަކެތިކަން އެނގިފައިވާކަމަށެވެ.

Advertisement

މި މައްސަލައިގައި ފުލުހުން ހައްޔަރުކޮށްފައިވަނީ ށ. ފޭދޫ, ހިރުނުމާގެ, މުހައްމަދު ލުޖައިން (24އ) އެވެ.

އެއާއިއެކު، އޭނާގެ ބަންދާއި މެދު ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުމުން، ކޯޓުން ވަނީ އޭނާ 5 ދުވަހަށް ބަންދުކުރުމަށް އަމުރުކޮށްފައެވެ.

ކޯޓު އަމުރުން އެނގޭ ގޮތުގައި ކުރު މުއްދަތެއް ދީފައިވަނީ ވަކީލެއްގެ ފުރުސަތަކަށް އެދިފައިވާތީ އެކަން ފަހިކޮށް ދިނުމުގެ ގޮތުންނެވެ.

ތުހުމަތުކުރެވޭ ކޮންމެވެސް މިންވަރަކަށް ހެކި ގަރީނާ ހުށަހަޅާފައިވާ ކަމަށާއި، އޭގެ ތެރޭގައި ފުލުހުންގެ ހާދިސާ ރިޕޯޓާއި އޭނާގެ ހައްޔަރާއި ބަންދު ލޮގު ހިމެނޭ ކަމަށް ކޯޓު އަމުރުގައި ބުނެފައިވެއެވެ.

މީގެ އިތުރުންވެސް އެ މީހާއަކީ މި ބާވަތުގެ ހައްޔަރާއި ބަންދު ލޮގް އޮތް ފަރާތެއް ކަމަށްވާތީ ބަންދުން ދޫކޮށްލައިފިނަމަ ކުށް ތަކުރާރުވުމުގެ އިހުތިމާލު އޮތް ކަމަށް ބެލެވޭ ކަމަށް ވެސް އަމުރުގައިވެއެވެ.

ފުލުހުން އަންނަނީ މި މައްސަލަ އިތުރަށް ތަހުގީގު ކުރަމުންނެވެ.

Advertisement

ކޮމެންޓް

Advertisement

Advertisement