ކައިވެނީ ރަނުގެ ގޮތުގައި 85،000 ރުފިޔާ ނުދައްކައިގެން އާއިލާއާ ބެހޭ ކޯޓުން އެންމެފަހުން އެ ރަން ދެއްކުމަށް ފިރިހެން މީހާގެ މައްޗަށް ހުކުމްކޮށްފިއެވެ.
ފެމިލީކޯޓުން މިދިޔަ މަހު ކުރި އެ ހުކުމަށް ބަލާއިރު، މައްސަލައިގަ ހިމެނޭ ދެމީހުން ކައިވެނި ކޮށްފައިވަނީ 2021 ވަނަ އަހަރުގެ ޖޫނމަހުގެ 2 ވަަަަނަ ދުވަހުއެވެ. އަދި ދެމީހުންްގެ ވަަކިވެ، ވަރި ސާބިތުކޮށްފައިވަނީ، މިއަހަރުގެ ފެބުރުއަރީމަހުގެ 19 ވަނަ ދުވަހުއެވެ.
ކައިވެނީގެ ރަނަށްވާ ފައިސާ ދީފައިނުވާތީ އަންހެންމީހާ ފެމިލީކޯޓަށް ހުށަހެޅި މައްސަލާގައި، އަންހެންމީހާ ދީފައިވާ ބަޔާނުގައި ބުނެފައިވަނީ، ރަންކިއުމަށްފަހު އިނދެގެން އުޅުނު ދުވަސްތަކުގައި ރަން ދީފައި ނުވާއިރު، އެއްވެސް ހަރަދެއްވެސް ކޮށްފައި ނުވާކަމަށެވެ.
އަންހެން މީހާ ވަނީ ކައިވެނީގެ ރަނަށްވާ 85،000 ރުފިޔާ އެއްފަހަރާ ހޯދުމަށް އެދިފައެވެ. އޭނާ ބުނީ ރަނަށް އެދިފައިވާ އަދަދު އެއްފަހަރާ ދޭން އުނދަގޫ ނުވާނެ ކަމަށާއި، އޭނާގެ މަންމަގެ ގޭގެ އެޕާޓްމަންޓުތައް ކުއްޔަށްދީގެން ފައިސާ ލިބޭނޭ ކަމަށެވެ.
މައްސަލަ ރައްދުވާ ފަރާތުން ކޯޓުގައި ވަނީ އެފައިސާއަކީ އެއްފަހަރާ ދެއްކޭނެ އަދަދަކަށް ނުވާތީވެ، ކޮންމެ މަހަކު ވަކިވަރެއް، ކޯޓް މެދުވެރިކޮށް ދެއްކުމުގެ ފުރުސަތަށް އެދިފައެވެ. އެކަމަށް އަންހެންމީހާގެ ފަރާތުން އިއުތިރާޒް ނުކުރުމުން ކޯޓުން ވަނީ އެންމެފަހުން ނޮވެމްބަރުމަހުގެ 11 ވަނަ ދުވަހުން ފެށިގެންް ކޮންްމެ މަަހަަކު 8،500 ރުފިޔާގެ މަގުން ފެމިލީކޯޓަށް ދައްކައި 10 މަސަްދުވަހުގެ ތެރޭގައި ރަނުގެ ފައިސާއަށްވާ 85،000 ރުފިޔާ ދައްކައި ހަލާސްކުރުމަށް އަމުރުކޮށްފައެވެ.
Advertisement
This content is created and paid for by advertisers and does not involve Voice Journalists
