ހިޔާ ފްލެޓްގައި ރަހީނުކުރި މީހަކު ފުލުހުން ސަލާމަތްކޮށްފިއެވެ.މީހަކު ރަހީނުކޮށްފައިވަނީ ހިޔާ ޓަވަރު 9 ވަނަ ފްލެޓުގައި ހުންނަ އެޕާޓްމަންޓެއްގައެވެ.

ފުލުހުން ބުނީ މި ކަމެއް ހިނގީ މިރޭ 19:40 ހާއިރު ކަމަށެވެ. މި ހާދިސާ ހިނގީ ޓަވަރު 9 ގެ 20 ވަނަ ފަންގިފިލާގައި ހުންނަ 11 ވަނަ އެޕާޓްމަންޓްގައެވެ. މިކަމާގުޅިގެން ފުލުހުން ވަނީ 12 މީހަކު ހައްޔަރުކޮށްފައެވެ.

މި ހާދިސާގައި ރަހީނުކޮށްފައިވަނީ، ފިރިހެނެކެވެ. ރަހީނުކުރުމުގައި ބައިވެރިވި މީހުން، ރަހީނުކުރި މީހާގެ ބޮލުގެ އިސްތަށިގަނޑު ކޮށާލައި އޭނާއަށް ޖިސްމާނީގޮތުން އަނިޔާދިނުމަށް ވަނީ މަސައްކަތްކޮށްފައެވެ. މިގޮތުން ފުލުހުން އެޕާޓްމަންޓް ދޮރު ހަލާކުކޮށްލައިގެން ވަތްއިރު، އެމީހުން ތައްޔާރުވަމުންދިޔައީ ރަހީނުކުރި މީހާގެ އިނގިލި ބުރިކޮށްލަން ކަމަށް ފުލުހުން ބުންޏެވެ.

ވޮއިސްގެ ނޫސްވެރިން އެ އެޕާޓްމަންޓަށް ވަތްއިރު، އެމީހުން ތިބީ ސަފަކަށް ވާގޮތަށް ފޮޓޯއިން ފެންނަހެން ބިޑިއަޅުވާފައެވެ. އޭރު އަނިޔާ ލިބުނު މީހާވެސް އެމީހުންނާ ވަކިކޮށްފައި ހުއްޓެވެ.

ރަހީނުކުރުމުގައި ބައިވެރިވި މީހުން، ރަހީނުކުރި މީހާގެ ބޮލުގެ އިސްތަށިގަނޑު ކޮށާލާފައި.. ފޮޓޯ/ވޮއިސް

މި މައްސަލާގައި ފުލުހުން ވަނީ 12 މީހެއްގެ އަތުގައި ބިޑިއަޅުގައި ފުލުހުންގެ ހައްޔަރުގައި އެ އެޕާޓްމަންޓުގައި ބަހައްޓާފައެވެ. ކޯޓް އަމުރު ލިބުނުހާ އަވަހަކަށް އެމީހުން އެތަނުން ގެންދާނޭކަމަށް ފުލުހުން ބުނެއެވެ.

އިތުރު ތަފްސީލް އަންނަނީ..