އެންޓި ކޮރަޕްޝަން ކޮމިޝަނާއި، އިލެކްޝަން ކޮމިޝަނުގެ އިތުރުން ސިވިލް ސާވިސް ކޮމިޝަނުގައި ހިމެނޭ ބައެއް ވެރިން ވަކިކުރުމަށް ރައްޔިތުންގެ މަޖިލީހަށް ހުށަހަޅައިފިއެވެ.
ވަކިކުރެއްވުމަށް މަޖިލީހަށް ހުށަހެޅުއްވި މުއައްސަސާތަކުގެ ވެރިންގެ ތެރޭގައި އޭސީސީގެ ނައިބުރައީސް އަބްދުއްސަލާމާއި، އީސީގެ ނައިބުރައީސް އަލީ ނަޝާތުގެ އިތުރުން ސިވިލްސާވިސް ކޮމިޝަނުގެ ރައީސް މުހައްމަދު ނާސިހު ހިމެނެެއެވެ.
އެ ބޭފުޅުން ވަކިކުރުމުގެ މައްސަލަ މާދަމާއަށް އެޖެންޑާކޮށްފައިވާއިރު، މި މައްސަލަ ހުށަހަޅާފައިވަނީ މަޖިލީހުގެ ރައީސްގެ މޭޒުކޮޅުން ހުށަހަޅާ ކަމެއްގެ ގޮތުގައެވެ.
މި މައްސަލަ މިނިވަން މުއައްސަސާތަކާ ބެހޭ ކޮމިޓީގައި މިދިޔަ ހަފްތާގައި ވަނީ ކުރިއަށްގެންގޮސްފައެވެ.
މިނިވަން މުއައްސަސާތަކުގެ ތެރެއިން އެންޓި ކޮރަޕްޝަން ކޮމިޝަނާއި، އިލެކްޝަން ކޮމިޝަނުގެ ރައީސް އައްޔަނުކުރުމުގެ ބާރު ރައީސުލްޖުމްހޫރިއްޔާއަށް ލިބިދޭގޮތަށް ވަނީ ބިލެއް ފާސްކުރުމަށް މަޖިލީހަށް ހުށަހަޅާފައެވެ. އެ ބިލުގެ މަސައްކަތް މިހާރު އޮތީ ކޮމިޓީ މަރުހަލާގައެވެ.
Advertisement
This content is created and paid for by advertisers and does not involve Voice Journalists
