ހުޅުމާލޭގައި ކާރެއްގެ ތެރޭގައި މީހަކު ރަހީނުކޮށް، ބިރުދައްކައިގެން ފައިސާ ހޯދަން އުޅުނު މައްސަލާގައި އިތުރު ހަތަރު މީހަކު ހައްޔަރުކޮށްފި އެވެ.
ފުލުހުންގެ މަޢުލޫމާތު ދޭ ގޮތުގައި މި ހާދިސާ ހިނގާފައިވަނީ ނޮވެމްބަރު 11 ވަނަ ދުވަހުގެ ރޭގައި ހުޅުމާލޭ އޯކިޑްމާ ހިނގުމުގައެވެ.
މި މައްސަލައިގައި އެންމެ ފުރަތަމަ ހައްޔަރުކުރެވުނު ފަރާތަކީ މާލޭ ދަފްތަރު ނަންބަރު އާރު.އެސް 9022 ގައި ރަޖިސްޓްރީކޮށްފައިވާ ތޮލާލް މޫސާ (37 އަހަރު) އެވެ.
ފުލުހުން ބުނިގޮތުގައި، ތޮލާލް ވަނީ ދިވެހި ފިރިހެނަކު ކާރެއްގެ ތެރޭގައި ރަހީނުކޮށް ހިފަހައްޓައި، އަނިޔާކޮށް ބިރުދައްކާފައެވެ. އަދި އެ މީހާގެ ޢާއިލާގެ މީހުންނަށް ގުޅައި ފައިސާ ހޯދަން މަސައްކަތްކޮށްފައިވާ ކަމަށްވެސް ފުލުހުން ބުނެއެވެ.
މީގެ އިތުރުން ފުލުހުން ބުނީ ތޮލާލްގެ އިތުރުން ދެން މި މައްސަލައާ ގުޅިގެން ހައްޔަރަށް ގެންގޮސްފައިވަނީ ހުޝާމް އިބްރާހިމް، ރަތްބަގީޗާގެ ހދ. ކުމުންދޫ އާއި ހަމަ އެ ގޭ އާދަމް ޝަރީފް އާއި ހުސެއިން ހައިކަލް ނިޔާޒު، ގ. ކަޅަގާރިމާގެ އަދި އަހުމަދު ރިޝްފާން، ހުޅުމާލެ ފްލެޓް ނަންބަރު 71-1-04 އެވެ.
މި ފަސް މީހުންގެ ބަންދަށް ވެސް ހަތް ދުވަސް ޖަހަން ހުޅުމާލެ މެޖިސްޓްރޭޓް ކޯޓުން މިއަދު ވަނީ އަމުރުކޮށްފަ އެވެ.
Advertisement
This content is created and paid for by advertisers and does not involve Voice Journalists
