އަންނަ އަހަރަށް ސަރުކާރުގެ ފަރާތުން ހުށަހަޅާ ބަޖެޓުގެ ބަހުސް މިރޭ 11:00 އާ ހަމައަށް ކުރިއަށް ގެންދަން ރައްޔިތުންގެ މަޖިލީހުން ފާސްކޮށްފިއެވެ.

ބަޖެޓުގެ ބަހުސް އިއްޔެ ޖަލްސާގައި ފެށިނަމަވެސް، ބަޖެޓު ފޮތް މަޖިލީހުގެ މެންބަރުންނަށް ލިބިފައިވަނީ އިއްޔެކަން ފާހަގަކުރައްވައި ރިޔާސަތުން ވަނީ ބަހުސް ހެނދުނު 10:30 އާ ހަމައަށް ގެންދިއުމަށްފަހު، މިއަދާއި މާދަމާ ބަހުސް ކުރިއަށް ގެންދިޔުމަށް ނިންމާފައެވެ.

އެއާއިއެކު، މިއަދުގެ ޖަލްސާގަައި ބަޖެޓުގެ ބަހުސް ކުރިއަށްގެންދާނެ ވަގުތު ކަނޑައެޅުމަށް ވޯޓަށް އަހާފައިވާއިރު، ހުސްވަގުތުކޮޅަށް ތަންދެމުން މިރޭ 11:00 އާ ހަމައަށް ބަހުސް ކުރިއަށް ގެންދިއުމަށް ފާސްކޮށްފައިވަނީ 52 މެންބަރުންގެ ވޯޓުންނެވެ.

Advertisement

ބަޖެޓަށް ބަހުސް ކުރުމަށް އެދޭ މެންބަރުން ބަހުސްކޮށް ނިމެންދެން މިއަދުގެ ޖަލްސާގެ ވަގުތު އިތުރުކޮށްފައިވާއިރު، މާދަމާގެ ޖަލްސާގައިވެސް ބަހުސް ކުރުމަށް ބޭނުންފުޅުވާ މެންބަރުންގެ ވާހަކަފުޅުތައް ނިމެންދެން ޖަލްސާ ކުރިއަށްގެންދިއުމަށް ވަނީ ފާސްކޮށްފައެވެ.