ދިވެހިރާއްޖެއިން ތައިލެންޑަށް ކަނޑައަޅާ ސަފީރުކަމަށް އިލެކްޝަންސް ކޮމިޝަނުގެ ކުރީގެ ރައީސް ފުއާދު ތައުފީގުގެ ނަން ރައްޔިތުންގެ މަޖިލީހުގެ ތަޅުމަށް ހުށަހަޅައިފި އެވެ.
މަޖިލީހުގެ މިއަދުގެ ޖަލްސާގައި ވަނީ، ތައިލެންޑަށް ދިވެހިރާއްޖެއިން ކަނޑައަޅާފައިވާ ސަފީރަކަށް ފުއާދުގެ ނަން ހުށަހަޅުއްވައި ރައީސް ޑރ. މުހައްމަދު މުއިއްޒު ހުށަހަޅުއްވާފައިވާ ސިޓީ އިއްވާފައެވެ.
އަދި ފުއާދު، ތައިލެންޑްގެ ސަފީރުކަމަށް އައްޔަނު ކުރުމާމެދު މަޖިލީހުން ނިންމެވިގޮތް އެންގެވުމަށް ސިޓީގައި އެދިފައިވެއެވެ.
މިކަމަާމެދު ގޮތެއް ނިންމުމަށް ޚާރިޖީ ގުޅުންތަކާ ބެހޭ ކޮމިޓީއަށް ވަނީ ފޮނުއްވާފައެވެ.
އިލެކްޝަންސް ކޮމިޝަނުގައި ފުއާދުގެ ދައުރުގެ ހަމަވެފައި ވަނީ އިއްޔެ އެވެ. ކޮމިޝަނުގެ ގަވައިދު ބުނާ ގޮތުގައި ދެ އަހަރަށް ވުރެ އިތުރަށް ކޮމިޝަނުގެ މެމްބަރުކަމުގައި ނުހުރެވޭނެ އެވެ.
ފުއާދަކީ 90 ގެ ފަހުކޮޅުން ފެށިގެން އިންތިހާބުތައް ބޭއްވުމުގެ އެކި މަސައްކަތްތަކުގައި ހަރަކާތްތެރިވަމުން އައި ބޭފުޅެކެވެ. އަދި ކޮމިޝަނުގެ މެމްބަރުކަމަށް ފުއާދު އެންމެ ފުރަތަމަ އައްޔަނު ކުރެވުނީ 2008 ގައެވެ.
Advertisement
This content is created and paid for by advertisers and does not involve Voice Journalists
