ހައްދުފަހަނަ އަޅާފައިވާ އިސްރާއީލްގެ ސިފައިންގެ ޕާސްޕޯޓް މަނާ ކުރަން ތާއީދު ނުކުރާ ކަމަށާ، އެހެނެއް ކަމަކު އެމީހުންގެ ވެރިންގެ ޕާސްޕޯޓް މަނާ ކުރަން ތާއީދު ކުރާ ކަމަަށް ގެސްޓްހައުސް އެސޯސިއޭޝަނުން ބުނެފިއެވެ.
މީހުން ރާއްޖެ އައުން މަނާ ކުރުމަށް އިދިކޮޅު އެމްޑީޕީން އިމިގްރޭޝަން ގާނޫނަށް ހުށަހާޅާފައިވާ އިސްލާހަށް ކަމާބެހޭ ފަރާތްތަކުގެ ޚިޔާލު ހޯދުމަށް މަޖިލީހުގައި ސަލާމަތީ ހިދުމަތްތަކާ ބެހޭ ކޮމިޓީ (241 ކޮމިޓީ) އަށް މިއަދު ވަނީ ގެސްޓްހައުސް އެސޯސިއޭޝަންގެ އިސް ބޭފުޅުން ހާޒިރުކޮށްފައެވެ.
މި ކޮމިޓީ ބައްދަލުވުމުގައި ވާހަކަދައްކަމުން، ގެސްޓްހައުސް އެސޯސިއޭޝަންގެ ނައިބު ރައީސް އަހުމަދު ވަހީދު ބުނީ، އެ އެސޯސިއޭޝަންގެ އެދުމަކީ އިސްރާއީލްގެ އާއްމު ރައްޔިތުން ނުހިމެނޭގޮތަށް، އިސްރާއީލްގެ ވެރިންގެ ޕާސްޕޯޓް މަނާކުރަން ކަމަށެވެ.
"އެދުމަކީ އިސްރާއީލްގެ އާއްމު ރައްޔިތުން ނުހިމެނޭގޮތަށް، އިސްރާއީލްގެ ވެރިންގެ ޕާސްޕޯޓް މަނާކުރަން އެއީ އަޅުގަނޑުމެން ވަރަށް ބޮޑަށް ތާއީދު ކުރަން. (ޕާސްޕޯޓް މަނާ ކުރަން ބޭނުމީ) އޭގެ ތެރޭގައި އިޒްރޭލު ސިފައިން ވެސް ނުހިމެނޭ ގޮތަށް. މުޅި އިސްރާއީލްއަކީ ސިފައިން ދެއްތޯ ގާތްގަނޑަކަށް. އެހެންވީމާ އެ (ސިފައިން) ހިމެނިއްޖެއްޔާ އިސްރާއީލްގެ ރައްޔިތުން އެއްކޮށް ހިމެނިގެންދާނެ. ހަމައެކަނި އިޒްރޭލުގެ ވެރިންގެ ޕާސްޕޯޓު މަނާކުރަން އަޅުގަނޑުމެން ތާއީދުކުރަނީ. ވެރިންގެ ޕާސްޕޯޓު މަނާކުރަން އަޅުގަނޑުމެން ހަމަ ވަރަށް ބޮޑަށް ތާއީދުކުރަން، އެއީ ކުރަން ވާނެ ކަމެއް."
ގެސްޓްހައުސް އެސޯސިއޭޝަންގެ ނައިބު ރައީސް އަހުމަދު ވަހީދު
މީގެ އިތުރުން އަހުމަދު ވަހީދު ބުނީ، އިޒްރޭލުގައި އުސޫލުތައް އޮންނަ ގޮތުން ކޮންމެ ޔަހޫދީއަކަށް ވެސް އެ ޕާސްޕޯޓު ހޯދެވޭ ކަމަށެވެ. އެހެންވެ ޔޫރަޕާއި އެމެރިކާއާއި ޖާމަނީ ފަދަ، ރާއްޖެއަށް ގިނަ އަދަދަކަށް ފަތުރުވެރިން އަންނަ ގައުމުތަކުގެ މީހުންވެސް އިސްރާއީލް ޕާސްޕޯޓް ގެންގުޅޭ ކަމަށެވެ.
ގެސްޓްހައުސް އެސޯސިއޭޝަންގެ އިސް ބޭފުޅުން މަޖިލީހުގެ 241 ކޮމިޓީގައި: ފޮޓޯ/ މަޖިލިސް
"ޖުމްލަކޮށް، އިޒްރޭލު ޕާސްޕޯޓު އޮންނަ ކޮންމެ މީހަކަށް، މުޅި އިޒްރޭލުގެ މައްޗަށް ޕާސްޕޯޓު ބޭން ކުރަން އަޅުގަނޑުމެން އެއްވެސް ވަރަކަށް ތާއީދެއް ނުުކުރެވޭ. އެއީ ފަލަސްތީނުގެ މުސްލިމުންވެސް އިސްރާއީލް ޕާސްޕޯޓް ބޭނުން ކުރޭ.“
ގެސްޓްހައުސް އެސޯސިއޭޝަންގެ ނައިބު ރައީސް އަހުމަދު ވަހީދު
ގެސްޓްހައުސް އެސޯސިއޭޝަންގެ އިސް ބޭފުޅުން މަޖިލީހުގެ 241 ކޮމިޓީގައި: ފޮޓޯ/ މަޖިލިސް
މީގެ އިތުރުން އެ އެސޯސިއޭޝަނުން އެފަދައިން ނިންމީ އެޝޯސިއޭޝަންގެ ހުރިހާ މެންބަރުންނާއި ވާހަކަދައްކައި ޚިޔާލު ހޯދުމަށް ފަހުގައި ކަމަށް އެ އެސޯއސިއޭޝަނުން ބުނެފައިވެއެވެ.
”އަޅުގަނޑުމެން ހާސްވާ ބައިވަރު ކަންކަން އެބަހުރި. ޖުމްލަކޮށް އިސްރާއީލް ޕާސްޕޯޓް ގެންގުޅޭ އެންމެނަށް ބޭންކުރެވޭ ކަމަށް ވަންޏާ، މީގެ ނުރަނގަޅު އަސަރު ތަކެއް ޓުއަރިޒަމް އިންޑަސްޓްރީއަށް ކުުރާނެ ކަމަށް ގަބޫލުކުރެވޭ. ޚާއްސަކޮށް އޮންލައިން ޕްލެޓްފޯމް ތަކުގެ މޭޖަރ ޝެއަރ ހޯލްޑް މި އޮންނަނީ ޔަހޫދީ ދައުލަތަށް ނިސްބަތްވާ ބައެއްގެ އަތުގައި. އެހެންވީމާ ރާއްޖެ ކަހަލަ ކުޑަ ގައުމަކުން މިވަރުގެ ބޮޑު ސްޓޭންޑެއް ނަގައިފިއްޔާ ވަރަށް ބޮޑު ހީނަރުކަމެއް އަންނާނެ.“
ގެސްޓްހައުސް އެސޯސިއޭޝަން
”އެހެންކަމުން، ޔަހޫދީއެއް ވިޔަސް އިސްރާއީލް ޕާސްޕޯޓް، ނޫނީ ޖަރުމަނު ޕާސްޕޯޓް އޮތަސް، އަޅުގަނޑަށް ހީވަނީ ރާއްޖެ އައުން ކަންނޭނގެ ރާއްޖެއަށް އެންމެ އައުލާކަން ބޮޑީ،“ އިސްރާއީލް ޕާސްޕޯޓް އެއްކޮށް ބޭން ކުރުމާ ދެކޮޅަށް ވާހަކަ ދައްކަމުން ގެސްޓްހައުން އެސޯސިއޭޝަނުން ބުންޏެވެ.
Advertisement
This content is created and paid for by advertisers and does not involve Voice Journalists
