ހައްދުފަހަނައަޅާފައިވާ އިޒްރޭލުން ޣައްޒާގެ އުތުރު ސަރަޙައްދުގައި ހުރި ސްކޫލަކަށް ހަމަލާދީ 10 މީހުން ޝަހީދުކޮށްލައިފިއެވެ.
ޣައްޒާގައި ޔަހޫދީން ހިންގަމުންދާ ގަތުލުއާއްމުގެ ސަބަބުން، ގެދޮރު ގެއްލިފައިވާ މީހުންނަށް ހިޔާވަހިކަން ދެމުންދިޔަ އަލް-ތަބީއީން ސްކޫލަށް އިޒްރޭލުން ދިން ޙަމަލާގައި މީހުން ޝަހީދުވިއިރު، އޭގެ ތެރޭގައި 3 ކުޑަކުދިން ހިމެނެއެވެ.
މަންޒަރު ދުށް ފަރާތްތަކުން ބުނީ، އިޒްރޭލުގެ ހަނގުރާމަ މަތިންދާބޯޓުތަކުން މި ސްކޫލަށް ހަމަލާދީފައިވަނީ ފަތިހުގެ ވަގުތެއްގައި ކަމަށާއި، އިމާރާތުގެ ދަށުގައި ތާށިވަފއި ތިބި މީހުން ހޯދުމުގެ މަސައްކަތް ކުރިއަށްދާކަމަށެވެ.
މީގެ އިތުރުން، ބުދަ ދުވަހު ޣައްޒާގެ އިރުމަތީ ސަރަޙައްދުގައި ހުރި ގެއަކަށް އިޒްރޭލުން ދިން ޙަމަލާއެއްގައި 4 މީހުން ޝަހީދުވެ ގިނަބަޔަކު ޒަހަމްވެފައިވާކަން ފާހަގަކޮށްލަން ޖެހެއެވެ.
އިޒްރޭލުން ޣައްޒާގައި ހިންގަމުން އަންނަ ލާއިންސާނީ ޙަމަލާތަކުގެ ސަބަބުން ގިނަ އަދަދެއްގެ ކުޑަކުދިންނާއި އަންހެނުން ހިމެނޭހެން މިހާތަނަށް 44،249 މީހުން ވަނީ ޝަހީދުވެފައެވެ. އަދި 104،746 މީހުން ވަނީ ޒަހަމްވެފައެވެ.
Advertisement
This content is created and paid for by advertisers and does not involve Voice Journalists
