މޯލްޑިވްސް އިންލެންޑް ރެވެނިއު އޮތޯރިޓީ (މީރާ)ގެ ޑިރެކްޓަރުންގެ ބޯޑަށް ކުރިމަތިލެއްވި ބޭފުޅުންގެ ތެރެއިން ޝަރުތު ހަމަވާ 5 ބޭފުޅެއްގެ ނަން ރައީސް ޑރ. މުހައްމަދު މުއިއްޒު ރައްޔިތުންގެ މަޖިލީހަށް ހުށަހަޅުއްވައިފިއެވެ.
މީރާގެ ބޯޑު މެމްބަރެއްގެ ދައުރު ހަަމަވާތީ، ރައީސް އޮފީހުން، އެ މަގާމަށް ކުރިމަތިލުމުގެ ފުރުސަތު ހުޅުވާލީ މިދިޔަ މަހުގެ 17ގައެވެ.
މަޖިލީހުގެ މިއަދުގެ ޖަލްސާގައި ވަނީ އެގޮތުން ކުރިމަތިލި ފަރާތްތަކުގެ ތެރެއިން ބޭފުޅަކު އައްޔަނުކުރެއްވުމަށް ޓަކައި ރައީސުލްޖުމްޙޫރިއްޔާ ފޮނުއްވާފައިވާ ސިޓީ އިއްވާފައެވެ.
އެސިޓީގައި ރައީސުލްޖުމްހޫރުއްޔާ ވިދާޅުވި ގޮތުގައި، ނަންތައް ހުށަހަޅުއްވާފައިވަނީ ޝަރުތު ހަމަވާ މެންބަރުންގެ ތަރުތީބުން ކަމަށެވެ.
އެގޮތުން ރައީސް ހުށަހެޅުއްވި ނަންތަކަކީ:
ދަހާ ޝުއައިބް، ހ. ކެރީބިއަން
އަހުމަދު ފާއިޒް މުހައްމަދު، އަސްރަފީހިޔާ، ލ. މާވަށް
އަބްދުﷲ އިމްރާން، މާލަމް، ރ. ހުޅުދުށްފާރު
އަލްއުސްތާޒު މަހުޒޫމް ސަލީމް، ޝަބްނަމްގެ، ކ. ކާށިދޫ
އައިމިނަތު އާފިޔާ، ދަފްތަރު ނަންބަރު ރ.ސ. 13462
މަޖިލީހުގެ ރައީސް އަބްދުއްރަހީމް އަބްދުالله ވަނީ އެ މައްސަލަ އިތުރަށް ދިރާސާކުރުމަށް އިގްތިސޯދީ ކޮމިޓީއަށް ފޮނުއްވާފައެވެ.
Advertisement
This content is created and paid for by advertisers and does not involve Voice Journalists
