ގެދޮރުވެރިޔާ ފްލެޓްތަކަށް އަލުން ފޯމުލާން ހުޅުވާލައިފިކަމަށް ބުނެ ސްކޭމެއް ހިންގަމުންދާތީ އެކަމަށް ސަމާލުވުމަށް ދިވެހި ފުލުހުންގެ ޚިދުމަތުން އިލްތިމާސްކޮށްފިއެވެ.
މިކަން ހާމަކޮށްފައިވަނީ ފުލުހުން އެކްސްގައި ކުރި ޕޯސްޓެއްގައެވެ.
ފުލުހުން ބުނީ، ހައުސިންގ މިނިސްޓްރީގެ ލިޔެކިއުންތަކެއް އެނދުމާ ގުޅިގެން ގެދޮރުވެރިޔާ ފްލެޓްތަކަށް އަލުން ފޯމު ލުމުގެ ފުރުސަތު ހުޅުވާލައިފިކަމަށް ބުނެ ލިންކަކާއެކު ދައުރުވަމުންދާ މެސެޖަކީ ސައްހަ މެސެޖެއް ނޫންކަމަށާއި، އެކަމަށް ސަމާލުވުމަށް އެދޭކަމަށެވެ.
މިމަހުގެ 12 ދުވަހު ހައުސިން މިނިސްޓްރީ އާއި ކޮންސްޓްރަކްޝަން މިނިސްޓްރީ ހުންނަ އިމާރާތުގައި ހިނގާދިޔަ އަލިފާނުގެ ހާދިސާގައި ދެ މިނިސްޓްރީ އެއްކޮށް އަދާފައިވާއިރު، މި ހާދިސާގައި ގެއްލުންވި އެންވާރަމެންޓް މިނިސްޓްރީއާއިއެކު، ތިން މިނިސްޓްރީގެ މަސައްކަތްވަނީ ވަގުތީ ގޮތުން ދަރުބާރުގެއަށް ބަދަލުކޮށްފައެވެ.
މި ހާދިސާއާއި ގުޅިގެން މީގެ ކުރިން ހައުސިން މިނިސްޓްރީން ވަނީ ގެދޮރުވެރިޔާ ސްކީމާ ގުޅޭ މައުލޫމާތަކީ ކްލައުޑްހޯސްޓިންގައި އޮންލައިންކޮށް ރައްކާކުރެވިފައިވާ ހުރި މައުލޫމާތުތަކެއް ކަމުން މި ސްކީމާއި ގުޅޭ އެއްވެސް ލިޔުމަކަށް އަސަރު ނުކުރާކަން ހާމަކޮށްފައެވެ.
Advertisement
This content is created and paid for by advertisers and does not involve Voice Journalists
