އެމެރިކާގެ ކުރީގެ ރައީސް، ޖިމީ ކާޓާ، އުމުރުފުޅުން 100 އަހަރުގައި އަވަހާރަވެއްޖެއެވެ.
1997 އިން 1981 އަށް ރައީސްކަން ކުރެއްވި، އެމެރިކާގެ 39 ވަނަ ރައީސް، ކާޓާ އަވަހަރާވެފައިމިވަނީ އޭނާގެ 100 ވަނަ އުފަންދުވަސް ފާހަގަކުރިތާ ދެމަސް ފަހުންނެވެ. މިއީ އެމެރިކާގެ ރައީސުންގެ ތެރެއިން އެންމެ ގިނަ ދުވަހު ދުނިޔޭގައި ހުންނެވި ބޭފުޅެވެ.
ޑިމޮކްރަސީ އާއި އިންސާނީ ހައްގުތަކަށް ވަކާލާތުކުރާ ދި ކާޓާ ސެންޓަރުން ބުނީ، އެބޭފުޅާ އަވަހާރަވެފައިވަނީ އިއްޔެގެ މެންދުރުގެ ވަގުތެއްގައި އެބޭފުޅާގެ ގެކޮޅުގައި ކަމަށެވެ.
އިންސާނިއްޔަތަށް ކުރެއްވި އަގުހުރި ހިދުމަތްތަކާއި ގުޅިގެން ނޮބެލް ޕީސް ޕްރައިޒް ހާސިލް ކުރައްވާފައިވާ ކާޓާ އަށް ޖެހިވަޑައިގެން ބައްޔަކަށް ފަރުވާހޯއްދެވުން ހުއްޓާލައްވައި، ހޮސްޕައިސް ކެއާ ހޯއްދަވަން ފެއްޓެވީ މިދިޔަ އަހަރުއެވެ.
ހޮސްޕައިސް ކެއާ އަކީ އުމުރުން ދުވަސްވީ ފަރާތްތަކަށް ނަފްސާނީ އަދި ޖިސްމާނީ އެހީތެރިކަން ފޯރުކޮށްދޭ ފަރުވާއަކަށްވާއިރު، ކާޓާ އަށް ޖެހުނީ ކޮން ބައްޔެއް ކަމެއް ހާމަކޮށްފައެއް ނުވެއެވެ.
ކާޓާ އަވަހާރަވުމާއިއެކު، އެމެރިކާގެ ރައީސް ޖޯ ބައިޑެން އަދި އަނބިކަބަލުން، ފަސްޓް ލޭޑީ، ޖިލް ބައިޑަން ވަނީ ތައުޒިޔާ ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
