އެމެރިކާގެ އަލާސްކާ ސްޓޭޓުން ބައިޑެންގެ ސަރުކާރާ ދެކޮޅަށް މައްސަލައެއް ހުށަހަޅައިފިއެވެ. މި މައްސަލަ ހުށަހަޅާފައިވަނީ ފެޑެރަލް އާކްޓިކް ނެޝަނަލް ވައިލްޑްލައިފް ރެފިއުޖް (އޭއެންޑަބްލިއުއާރު) ގެ ބައެއްގައި ތެލާއި ގޭސް ތަރައްޤީކުރުމަށް ހުއްދަދިނުމަށް ކޮންގްރެސްގެ އިރުޝާދާ ޚިލާފުވުމުގެ ސަބަބުން ކަމަށް އަލާސްކާއިން ބުނެފައިވެއެވެ.

މި ހަފްތާގެ ހޯމަ ދުވަހު އަލާސްކާގެ ޔުނައިޓެޑް ސްޓޭޓްސް ޑިސްޓްރިކްޓް ކޯޓުގައި ހުށަހެޅި މައްސަލައިގައި، ވަނީ ކޯސްޓަލް ޕްލެއިން ސަރަހައްދުގައި ތެލާއި ގޭސް ކޮނުމުގެ ލީސްތައް ވަކި ހުދޫދުތަކެއްގެ ތެރެއިން ދިނުމަށް 2024 ވަނަ އަހަރުގެ ޑިސެމްބަރު މަހު ބައިޑެންގެ ސަރުކާރުން ނިންމި ނިންމުމާމެދު ސުވާލު ސުވާލުއުފައްދާފައެވެ.

މައްސަލައިގައި ބުނެފައިވާ ގޮތުގައި، އެފަދައިން ކަން ކުރުމުގެ ސަބަބުން، ޔޫއެސް އިންޓީރިއަރ ޑިޕާޓްމަންޓުން މި މަހު ތެލާއި ގޭސް ޑްރިލްކުރާ ފަރާތްތަކަށް ނީލަމުގައި ވިއްކަން ރާވާފައިވާ 400،000 އޭކަރު (162،000 ހެކްޓަރު) ގެ ބިން "ތަރައްޤީކުރުމަކީ ނުކުރެވޭނެ ނުވަތަ ޢަމަލީގޮތުން ކުރަން އުނދަގޫ" ކަމެއްކަމަށް ވާނެއެވެ.

Advertisement

އަދި މި ހުދޫދުތަކުގެ ސަބަބުން ރެފިއުޖްގައި ކުރިމަގުގައި ތެޔޮ ހޯދުމާއި ޑްރިލްކުރުމަށް ބޮޑެތި ހުރަސްތަކެއް ކުރިމަތިވާނެކަމަށް އެ މައްސަލައިގައި އިތުރަށް ބުނެފައިވެއެވެ.

އެހެންކަމުން އަލާސްކާއިން ވަނީ ޑިސެމްބަރުގައި ބައިޑެން ސަރުކާރުން ނިންމި އެ ނިންމުން ބާޠިލުކޮށް، ނީލަމުގައި ލީސްތައް ދޫކުރުން މަނާކުރުމަށް ކޯޓުން އަމުރުކުރުމެވެ.