އެމެރިކާއަށް އަންނަ ބޭރުގެ އިންވެސްޓްމަންޓްތަކުގެ ސަބަބުން އެމެރިކާގެ ގައުމީ ސަލާމަތަށް ނުރައްކާ އޮތް މިންވަރު ބަލާ އެމެރިކާގެ ފެޑެރަލް އިދާރާގެ ނެޓްވޯކް ހެކްކޮށްފިއެވެ.
އިތުބާރު ހުރި މަސްދަރުތަކާ ސީ.އެން.އެން އިން ރިޕޯޓްކުރި ގޮތުގައި ކޮމިޓީ އޮން ފޮރިން އިންވެސްޓްމަންޓް އިން ދަ ޔޫ.އެސް ގެ ސިސްޓަމްތައް ހެކްކޮށްފައިވަނީ ޗައިނާގެ ހެކަރުންނެވެ. އެއިދާރާ ހެކްކޮށްފައިވަނީ އެމެރިކާގެ ޓްރެޝަރީ ޑިޕާޓްމަންޓް ހެކްކުރުމުގެ ތެރޭގައިކަމަށް ވެއެވެ. ނިމުނު އަހަރު އެމެރިކާގެ ޓްރެޝަރީ ޑިޕާޓްމަންޓްގެ އަންކްލެސިފައިޑް ނެޓްވޯކްގެ ތެރެއަށް ޗައިނާގެ ހެކަރުން ވަދެގަތް މައްސަލައެއް ވަނީ ފެންމަތިވެފައެވެ.
ޗައިނާއާއި އެމެރިކާގެ ގުޅުން ގޯސްވަމުންދާ މި ދުވަސްވަރު ޗައިނާގެ ހެކަރުންގެ ހަމަލާތައް އެމެރިކާ އަދި ހުޅަނގުގެ ގައުމުތަކުގެ ނެޓްވޯކްތަކަށް އަމާޒުވުން ވަނީ އިތުރުވެފައެވެ.
Advertisement
This content is created and paid for by advertisers and does not involve Voice Journalists
