ހަމާސް އާއި އިސްރާއީލުން ހަނގުރާމަ ހުއްޓާލުމަށް އެއްބަސްވުމަށްފަހު، ހަމާސް އިން ހައްޔަރު ކުރި 3 އަންހެނުން ދޫކޮށްލިއިރު، އެމީހުން ދޫކޮށްލީ ކޮންމެ މީހަކަށް ހަދިޔާ ކޮތަޅެއް ދިނުމަށްފަހުކަން ހާމަވެއްޖެއެވެ.

15 މަަސްދުވަހަށް ފަހު ހަނގުރާމަ ހުއްޓާލުމުގެ އެއްބަސްވުމުގެ ދަށުން އެމީހުން ދޫކޮށްލިއިރު، މި ކޮތަޅުގައި ހުރި ހަދިޔާތަކުގެ ތެރޭގައި، އެމީހުން ހަމާސްގެ ބަލުމުގެ ދަށުގައި ތިއްބާ ނަގާފައިވާ ފޮޓޯ އަކާއި، ޣައްޒާގެ ފޮޓޯ އަކާއި ސެޓްފިކެޓެއްވެސް ހިމެނެއެވެ.

ދައުރުވަމުންދާ ވީޑިއޯ ތަކުން ފެންނަ ގޮތުގައި މި ހަދިޔާ ކޮތަޅުތައް ހިފައިގެން އެމީހުން އަންނައިރު، ހިނިތުންވެފައި ތިބޭތަން ފެނެއެވެ.

Advertisement

ގަތަރާއި އެމެރިކާ އަދި މިސްރު މެދުވެރިވެގެން ހާސިލްކުރެވުނު މި އެއްބަސްވުމުގެ ދަށުން ޔަހޫދީ ފައުޖުން ރަހީނު ކުރި ޣައްޒާގެ 2،000 ރައްޔިތުންގެ ތެރެއިން 90 މީހުން ވަނީ ދޫކޮށްލާފައެވެ.

މިއާއިއެކު، މި އެއްބަސްވުމުގައިވާގޮތުން 6 ހަފްތާ ތެރޭގައި ދެ ފަރާތުން ވެސް ހައްޔަރުކޮށްފައިވާ ފަރާތްތައް މިނިވަން ކުރަން ޖެހޭނެއެވެ.