ހައްދުފަހަނައަޅާފައިވާ އިސްރާއީލުގެ ސިފައިން ފަލަސްތީނުގެ ހުޅަނގު އައްސޭރީގައިވާ ޖެނިންއަށް ހަމަލާދީ 9 މީހުން ޝަހީދުކޮށްލައިފިއެވެ.

މި ހަމަލާދީފައިމިވަނީ ފަލަސްތީނުގެ ހުޅަނގު އައްސޭރިއަށް މީގެ ކުރިން ވެރިވެގަތް ޔަހޫދީންނަށް އެމެރިކާގެ ސަރުކާރުން އެޅި ދަތިކުރުމުގެ ފިޔަވަޅުތައް އެގައުމުގެ ވެރިކަމާއި ހަވާލުވި ޑޮނަލްޑް ޓްރަމްޕް އުވާލިތާ އެންމެ ދުވަހެއްގެ ތެރޭގައެވެ.

ޣައްޒާގެ ގަތުލުއާއްމު ހުއްޓާލުމަށް އެއްބަސްވިތާ ދެދުވަހުގެ ތެރޭގައި ޔަހޫދީން ޣައްޒާގެ ހުޅަނގު އައްސޭރިއަށް އަރައިގެންފައިވާއިރު، ފަލަސްތީނުގެ ސިއްހީ ހިދުމަތްދޭ ފަރާތްތަކުން ބުނީ ޖެނިން ރެފިއުޖީ ކޭމްޕަށް ދިން ނިރުބަވެރި ހަމަލާތަކުގައި 9 މީހުން ޝަހީދުވެ 35 މީހުން ޒަހަމްވެފައިވާކަމަށެވެ.

Advertisement

2023 ވަނަ އަހަރުގެ އޮކްޓޫބަރު މަހުން ފެށިގެން ޔަހޫދީން އެ ސަރަހައްދަށް ހަމަލާ ދެމުން އަންނައިރު، މި ހަމަލާތަކުގައި އެތައް ބަޔަކު ވަނީ ޝަހީދުވެފައެވެ.