ޣައްޒާގެ ރައްޔިތުން އެތަނުން ބޭލުމަށް އެމެރިކާގެ ރައީސް ޑޮނަލްޑް ޓްރަމްޕް ހުށަހެޅި ހިޔާލަށް އަރަބި ގައުމުތަކުން ދެކޮޅު ހަދައިފިއެވެ.

އުރުދުން، ޔޫއޭއީ، ސައުދީ އަރަބިއާ، ގަތަރު އަދި މިސްރުގެ ޚާރިޖީ ވަޒީރުން ނެރުނު ބަޔާނެއްގައި ބުނީ ފަލަސްތީނުގެ ރައްޔިތުންނަށް އެމީހުންގެ ވަޒަނުގައި ދެމިތިބެވޭނެ ފަދައިން ޣައްޒާ އަލުން އާރާސްތުކުރުމަށް އެއްބާރުލުންދިނުމަށް ނިންމާފައިވާކަމަށެވެ.

މިސްރުގައި ބޭއްވި ބައްދަލުވުމަށްފަހު ނެރުނު މި ބަޔާނުގައި ބުނީ، ޣައްޒާގެ ރައްޔިތުންގެ ހައްގުތަކަށް ހުރަސްއެޅޭފަދަ އެއްވެސް އަމަލަކާއި ދެކޮޅުކަމަށެވެ.

Advertisement

ޣައްޒާގައި ދިރިއުޅޭ 1 މިލިއަނަށް ވުރެ ގިނަ ރައްޔިތުންނަށް ގެދޮރު ބިނާކުރުމަށްފަހު ކައިރީގައިވާ އަރަބި ގައުމުތަކަށް ބަދަލުކުރުމާއި މެދު މިދިޔަ ހޮނިހިރު ދުވަހު އުރުދުުންގެ ރަސްގެފާނާއި ވާހަކަ ދައްކާފައިވާކަމަށް ޓްރަމްޕް ބުނެފައިވާއިރު މިހާރުވެސް އުރުދުންގައި ފަލަސްތީނަށް ނިސްބަތްވާ 2.39 މިލިއަން ރައްޔިތުން ދިރިއުޅެއެވެ.