ދައުލަތުގެ ރިޒާވް އިތުރުވާ ކަމަށް ސަރުކާރުން ދައްކަމުންދާ ވާހަކަތައް އިދިކޮޅު އެމްޑީޕީން ދޮގުކޮށްފިއެވެ.
އެމްޑީޕީން މިއަދު ބޭއްވި ނޫސްވެރިންގެ ބައްދަލުވުމެއްގައި ވާހަކަދައްކަވަމުން ކުރީގެ ފިނޭންސް މިނިސްޓަރ އިބްރާހީމް އަމީރު ވަނީ އެެމްޑީޕީ ސަރުކާރު ނިމުނުއިރު ހުރި ދައުލަތުގެ ރިޒާވްއާއި މި ސަރުކާރުގެ ފުރަތަމަ އަހަރުގެ ތެރޭގައި ރިޒާވްގައި ހުރި އަދަދާ ބެހޭގޮތުން ވާހަކަދައްކަވާފައެވެ.
އަމީރު ވިދާޅުވީ އެމްޑީޕީ ސަރުކާރު ނިމުނުއިރު ރަސްމީ ރިޒާވްގައި 591 މިލިއަން ޑޮލަރު އަދި ޔޫޒަބަލް ރިޒާވްގައި 129 މިލިއަން ޑޮލަރު ހުރި ކަމަށެވެ. ނަމަވެސް މި ސަރުކާރުން ވެރިކަމަށް އަހަރެއް ނުވަނީސް އޮކްޓޫބަރުމަހުގެ ތެރޭގައި ރަސްމީ ރިޒާވް ފާއިތުވީ 10 އަހަރުގައިވެސް ދަށަށް ނުދާވަރަށް ދަށަށް ދިޔަކަން އަމީރު ވަނީ ފާހަގަކުރައްވާފައެވެ. އަމީރު ވިދާޅުވީ މިއީ ރާއްޖޭގެ ތާރީޚުގައިވެސް ޔޫޒަބަލް ރިޒާވް ފުރަތަމަ ފަހަރަށް މިހާ ދަށަށްދިޔަ ފަހަރުކަމަށެވެ.
އަމީރު ވިދާޅުވިގޮތުގައި 2024 ވަނަ އަހަރު ނިމުނުއިރު ރިޒާވްގައި ހުރި 673 މިލިއަން އެމެރިކާ ޑޮލަރަކީ އިންޑިޔާގެ ރިޒާވް ބޭންކުން އޮކްޓޫބަރުގައި 6 މަސް ދުވަހުން އަނބުރާ ދައްކާގޮތަށް ނަގާފައިވާ 400 މިލިއަން ޑޮލަރުގެ ސްވޮޕް ހިމެނުމުން އަންނަ އަދަދެއް ކަމަށެވެ.
މި އަދަދު ނުލާ 2024 ނިމުނުއިރު ރަސްމީ ރިޒާވްގައި ހުންނާނީ 273 މިލިއަން ޑޮލަރު ޔޫޒަބަލް ރިޒާވްހުރީ ނެގެޓިވްކޮށް. މާނައަކީ ސަރުކާރުން ބޭނުންކުރަމުންދަނީ ބޭންކްތަކުން އެމްއެމްއޭގައި މިނިމަމް ރިޒާވްގެ ގޮތުގައި ބަހައްޓާފައިވާ ފައިސާ
ކުރީގެ ފިނޭންސް މިނިސްޓަރ އިބްރާހީމް އަމީރު
އަމީރު ވިދާޅުވީ ބޭންކުތަކުން އެމްއެމްއޭގެ ރިޒާވްގައި ބަހައްޓާފައި ހުންނަ ފައިސާ ބޭނުންކުރުމަކީ މީގެކުރިން އެއްވެސް ސަރުކާރަކުން ކުރިކަމެއް ނޫންކަމަށެވެ
ޑޮލަރުގެ ރިޒާވާ ގުޅޭގޮތުން އެމްއެމްއޭއިން ބުނީ، މިއަހަރުގެ ޖެނުއަރީމަސް ނިމުނުއިރު ރާއްޖޭގެ ރަސްމީ ރިޒާވް 708.1 މިލިއަން އެމެރިކާ ޑޮލަރަށް އިތުރުވެފައިވާކަމަށެވެ. މިއީ، 2024 ވަނަ އަހަރުގެ ޑިސެންބަރު މަހުގެ ނިޔަލަށް ރިޒާވްގައި ހުރި މިންވަރާ ބަލާއިރު 5 އިންސައްތަ އިތުރުވުމެކެވެ.
Advertisement
This content is created and paid for by advertisers and does not involve Voice Journalists
