ރޯދަމަހު އާއްމުކޮށް އަހަރެމެންގެ ތެރެއިން ގިނަ މީހުންނަށް އެންމެ ނުކެވޭ އެކައްޗަކީ ބަތެވެ. ނަމަވެސް، ތަރާވީސް ދަމަށް މީރު، ހެލްތީ ބަތް ގަނޑެއް ކައިލުމަކީ ރޯދައަށް ހުންނައިރު އިހްސާސްކުރާ ވަރުބަލިކަން ކުޑަކޮށްދޭނެ ކަމެކެވެ. އެހެންކަމުން މިއަދު މިގެނެސްދެނީ މީރުކޮށް ކުރަނޑިބަތް ތައްޔާރު ކުރާނެ ގޮތުގެ ރެސިޕީއެވެ. 

1 ކިލޯ ކުކުޅު ކުރަނޑި (ކުދިކޮށް ކޮށާފައި)

1 ޖޯޑު ކުދިކޮށް ކޮށާފައި ހުރި ބޯންލެސް ޗިކަން

1 1/2 ލާހި ބާސްމަތީ ހަނޑޫ

1/2 ޖޯޑު ލީކްސް (ތުނިކޮށް ކޮށާފައި)

1/2 ޖޯޑު ކެރެޓް (ދިގަށްވާގޮތަށް ގާނާފައި) 

1/2 ޖޯޑު ކެބެޖު ( ތުނިކޮށް ކޮށާފައި)

1/2 ޖޯޑު ބީންސް (ކޮށާފައި) 

1/2 ޖޯޑު ބެލްޕެޕާ (ދިގަށްވާގޮތަށް ކޮށާފައި) 

1 ބޮޑު ފިޔާ (ތުނިކޮށް ކޮށާފައު)

3 ލޮނުމެދު (ޗޮޕް ކޮށްފައި)

ހިކަނދިފަތް

ރާނބާފަތް (3 އިންޗީގެ 4 އެތިކޮޅު)

ގިތެޔޮ މިރުސް

ތެޔޮ

1 މޭޒުމަތީ ސަމުސާ ޗިލީޕޭސްޓް

1 ސައި ސަމުސާ ސޯޔާ ސޯސް

1 ސައިސަމުސާ އޮއިސްޓަރ ސޯސް

2 މޭޒުމަތީ ސަމުސާ ފްރައިޑް ޗިކަން ސޯސް

1 ސައިސަމުސާ ޓޮމާޓޯ ޕޭސްޓް

2 ބިސް

1 ސައި ސަމުސާ އަސޭމިރުސް (ކުކުޅާއި ކުރަންޑި މެރިނޭޓް ކުރުމަށް)

1 ސައިސަމުސާ ގޭނި އިނގުރު (ކުކުޅާއި ކުރަންޑި މެރިނޭޓް ކުރުމަށް)

1 ސައިސަމުސާ ގޭނީ ލޮނުމެދު (ކުކުޅާއި ކުރަންޑި މެރިނޭޓް ކުރުމަށް)

1 ނޫޑްލްސް ސޫޕް ޕެކެޓް

ލޮނު

ފެން

1) ބަތް ކެއްކުމަށް ހަނޑޫކޮޅު ދޮވެލާފައި، 1 ސައިސަމުސާ ލޮނު އަދި 2 މޭޒުމަތީ ސަމުސާ ތެޔޮ ރައިސް ކޫކަރ އަށް އަޅާށެވެ. އަދި ހަނޑުކޮޅު ފޮރުވި، އެއިން މައްޗަށް 1 1/2 އިންޗި ވާ ވަރަށް ފެން އަޅާލައިގެން ބަތް ކައްކާށެވެ. ބަތް ކެކުމުން ތޮރުފި ތައްޓަކަށް ބަތްކޮޅު ލުހެލާށެވެ. 

2) ކުކުޅާއި ކުރަނޑި މެރިނޭޓް ކުރުމަށް އިނގުރު ޕޭސްޓް، ލޮނުމެދު ޕޭސްޓް އަދި ސައިސަމުސަލެއްގެ ލޮނާއި އަސޭމިރުސް އަޅާލާފައި އެކުލަވާލާށެވެ. 15 މިނެޓް މެރިނޭޓް ކުރުމަށްފަހު، ކުޑަ ތެޔޮ ފޮދެއްގައި ރަންމުށި ކުލަ އަރަންދެން ކުކުޅާއި، ކުކުޅު ކުރަންޑި ފްރައި ކޮށްލާށެވެ. 

3) ބަތްގަނޑުގެ ސޯސް ތައްޔާރު ކުރުމަށް، ތެލި އުނދުން މައްޗަށް އުދުމަށްފަހު، ތެޔޮ ފޮދެއް އަޅާލައި ތެޔޮ ހޫނުވުމުން، ފިޔާ، ލޮނުމެދު، ލީކްސް، ކެރެޓް، ބެލްޕެޕާރ، ކެބެޖު، ބީންސް، ހިކަނދިފަތް، ރާނބާފަތް އަދި ގިތެޔޮ މިރުސް އަޅާލާށެވެ. ހުރިހާ ތަކެތި ރަނގަޅަށް މީރުވުމުން، ފްރައި ކުރި ކުކުޅާއި ކުރަންޑި އަޅާފައި އެކުލަވާލާށެވެ. ދެން ނޫޑްލްސް ސޫޕް ޕެކެޓާއި ޗިލީ ޕޭސްޓް، ޓޮމާޓޯ ޕޭސްޓް، ސޮޔާ ސޯސް، އޮއިސްޓަރ ސޯސް، ފްރައިޑް ޗިކަން ސޯސްވެސް އަޅާލާށެވެ. އެއަށްފަހު، އެކުލަވާލުމަށްފަހު، 5 މިނެޓް ވަންދެން ކައްކާލާށެވެ. މަ ހިކިހެން ހީވާނަމަ ކުޑަ ފެންފޮދެއް އަޅާލާށެވެ. 

4) ސޯސްގަނޑު ތައްޔާރު ވުމުން، އެއަށް ބިސް އަޅާލުމަށްފަހު ބަތްވެސް އަޅާލާށެވެ. ދެން ރަނގަޅަށް އެކުލަވާލާފައި 2 މިނެޓް ވަންދެން މަޑުގިނީގައި މަތިންޖަހައިގެން ކައްކާލާށެވެ. 

ބަތްގަނޑު އެހުރީ ތައްޔާރުވެފައެވެ.