ރިހަފޮޅި އަކީ ދިވެހިންގެ މެދުގައި މަގުބޫލު މީރު ހެދިކާއެކެވެ. އެހެންކަމުން މިއަދު ވޮއިސްގެ ބަދިގެއިން މި ގެނެސްދެނީ ރިހަ ފޮޅި ތައްޔާރު ކުރާނެ ގޮތުގެ ރެސިޕީއެވެ.

1 ޖޯޑު ފުށް

1 ޖޯޑު ފެން

¼ ސައިސަމުސާ ރީނދޫ

½ ސައިސަމުސާ ލޮނު

ލޮނު، ރީނދޫ އަދި ފުށް އެއްކޮށްލާފައި، ފެން އެޅުމަށް ފަހު އޮލަކޮށް ގިރާލާށެވެ. އެއަށް ފަހު ރޮށި ފިހާ ތަވާ އުނދުން މައްޗަށް އުދާފައި ހޫނުވީމާ، ބޮޑު އެއް މޭޒުމަތީ ސަމުސާ ފުށް ތަވާ މައްޗަށް އަޅާފައި ރީތިކޮށް ތުނިކޮށް ސަމުސަލުން ފަތުރާލާށެވެ. ރޮށީގެ ދެ ފުށް ފިހެވުމުން ނަގާލާށެވެ. ބާކީ ހުރި ފުށްތަކުންވެސް މި ގޮތަށް ރޮށި ފިހެލާށެވެ. 

1 ދަޅު މަސް

2 ފިޔާ (ކުދިކޮށް ކޮށާފައި)

1/4 ސައިސަމުސާ ގާނާފައިހުރި އިނގުރު

1/2 ސައިސަމުސާ ގާނާފައި ހުރި ލޮނުމެދު

1 ގިތެޔޮ މިރުސް (ކުދިކޮށް ކޮށާފައި)

1/2 ސައި ސަމުސާ ހަކުރު

1/4 ސައިސަމުސާ ތެޅި މިރުސް

ހިކަނދިފަތް (ކުދިކޮށް ކޮށާފައި)

1 ސައިސަމުސާ ކުކުޅު ހަވާދު

1 ސައި ސަމުސާ ޓޮމާޓޯ ޕޭސްޓް

1 ނޫޑްލްސް ސޫޕް ޕެކެޓް

ތެޔޮ

1) ތަވާ އުނދުން މައްޗަށް އުދާފައި ކުޑަ ތެޔޮ ފޮދެއް އަޅާލާށެވެ. ތެޔޮ ހޫނުވީމައި ފިޔާ، އިނގުރު، ލޮނުމެދު، މިރުސް އަދި ހިކަނދިފަތް އަޅާފައި ފިޔާގަނޑު މީރު ކުރާށެވެ.

2) ފިޔާގަނޑު ރަތްވާން ފެށީމާ ނޫޑްލްސް ސޫޕް ޕެކެޓް އަޅާފައި ހަވާދު، ޓޮމާޓޯ ޕޭސްޓް އަދި ހަކުރު އަޅާށެވެ. އެއަށް ފަހު ދޭފަތުން ހަލަމުން ގެންދާށެވެ. ދެ މިނެޓަށް ކެއްކުމަށް ފަހު މަސްދަޅު ހިމުންކޮށްފައި އަޅާލާށެވެ. މާ ހިކި ނަމަ ކުޑަ ފެންފޮދެއް އަޅާލާށެވެ. 

3) ދެން ހުރިހާ އެއްޗެއް އެއްކޮށްގައި ރޯފިލަން ދެން ދޭފަތުން ހަލަމުން ގެންދާށެވެ. ރޯފިލީމާ އުނދުން މަތިން ނެގުމަށް ފަހު މަސްގަނޑު ހިހޫވަންދެން ބަހައްޓާށެވެ.

ފިހުނު އެއް ފޮޅި ނެގުމަށް ފަހު ތަށްޓެއް މަތީގައި ބާއްވާށެވެ. އެ ފޮޅީގެ ތެރެއަށް އެއް މޭޒުމަތީ ސަމުސާ މަސްގަނޑު އަޅާލާށެވެ. މަސްކޮޅުގެ ދެ ފަރާތުން ފަށްޖަހާލުމަށްފަހު އެއްކޮޅުން އަނެއް ކޮޅަށް ރޯލެއްހެން ފޮޅި އޮޅާލާށެވެ.